Virat Kohli: ఆ పొరపాట్లను సరిదిద్దుకోవాలి

Share Icons:
ఆస్ట్రేలియాతో మంగళవారం జరిగిన తొలి వన్డేలో ఘోర పరాజయం పాలైంది. పది వికెట్లతో ఓడిపోయిన ఈ మ్యాచ్‌లో బ్యాటింగ్ లైనప్‌లో మార్పులే కొంపముంచాయని విశ్లేషకులు పేర్కొంటున్నారు. మరోవైపు మ్యాచ్ ముగిశాక భారత కెప్టెన్ ఈ విషయాన్ని ఒప్పుకున్నాడు. బ్యాటింగ్ లైనప్‌ను మార్చడంలో కొన్ని పొరపాట్లు దొర్లాయని, వీటిని సరిదిద్దుకోవాల్సిన అవసరం ఉందని పేర్కొన్నాడు.

Read Also :
సూపర్ ఫామ్‌లో ఉన్న లోకేశ్ రాహుల్‌ను నం.3లో ఈ వన్డేలో ఆడించడం ద్వారా భారత్ మూల్యం చెల్లించుకోవాల్సి వచ్చింది. దీంతో భారత రెగ్యులర్ లైనప్ దెబ్బతిందని తెలుస్తోంది. ఈక్రమంలో బ్యాటింగ్ వైఫల్యం తలెత్తి సాధారణ స్కోరుకే ఇండియా పరిమితమైంది. ఈక్రమంలో తాను నం.4లో ఆడటంపై సమీక్షించుకుంటానని కోహ్లీ తెలిపాడు. రాహుల్‌ను తుదిజట్టులో ఆడించడం కోసం చేసిన మార్పులు దెబ్బకొట్టాయని అంగీకరించాడు. తర్వాతి మ్యాచ్‌లో వీటిని సరిదిద్దుకుంటామని తెలిపాడు.

Read Also :
మరోవైపు తొలి వన్డేలో ఆస్ట్రేలియా అన్ని విభాగాల్లో అద్భుతంగా ఆధిపత్యం కనబర్చిందని కోహ్లీ ప్రశంసించాడు. ఆసీస్‌లాంటి జట్టు ముందు సాధారణంగా ఆడితే ఇలాంటి ఫలితాలే ఎదురువుతాయని గుర్తు చేశాడు. బ్యాటింగ్‌లో సరైన విధంగా రిస్క్ తీసుకోకుండా, నింపాదిగా ఆడటంతోనే భారీ స్కోరు చేయలేకపోయామని తెలిపాడు. దీంతో ఆసీస్ బౌలర్లపై ఒత్తిడి పెంచలేకపోయామని అన్నాడు. మరోవైపు టీ20 ప్రపంచకప్ దూసుకొస్తున్న దరిమిలా లభించిన అతికొద్ది అవకాశాల్ని సద్వినియోగం చేసుకోవాలని యువ ప్లేయర్లకు కోహ్లీ పిలుపునిచ్చాడు. తాను ప్రయోగాలకు ఎల్లప్పుడూ సిద్ధంగా ఉంటానని, ఒక్క మ్యాచ్‌లో ఓడిపోయినంత మాత్రాన కంగారు పడాల్సిన అవసరం లేదని కోహ్లీ అన్నాడు. తొలివన్డేలో భారత్ 255 పరుగులకు ఆలౌటవగా.. ఛేదనను 37.4 ఓవర్లలో 258/0తో ఆసీస్ అలవోకగా పూర్తి చేసింది. ఓపెనర్లు డేవిడ్ వార్నర్ (128 నాటౌట్), కెప్టెన్ ఆరోన్ ఫించ్ (110 నాటౌట్) అజేయ శతకాలతో చెలరేగడంతో కంగారూల ఛేజింగ్ నల్లేరుపై నడకలా సాగింది. మూడు మ్యాచ్‌ల సిరీస్‌లో ఆసీస్ ప్రస్తుతం 1-0 ఆధిక్యంలో ఉంది. రెండో వన్డే శుక్రవారం రాజ్‌కోట్‌లో జరుగుతుంది.

Read Also :