Vijay Deverakonda: సమంతతో రౌడీ బాయ్ రచ్చ.. అల్లు అరవింద్ స్కెచ్ అదిరింది! ఆహా.. భలే ప్లాన్

Share Icons:
టెక్నాలజీ ప్రభావంతో రాను రాను ఓటీటీలకు డిమాండ్ పెరుగుతూ వస్తోంది. దీనికి తోడు కరోనా తెచ్చిన లాక్‌డౌన్‌తో థియేటర్స్ మూతబడటం ఓటీటీ వేదికలకు బాగా కలిసొచ్చింది. ఎంటర్‌టైన్‌మెంట్ వేదికలుగా ఉండే థియేటర్ల గేట్లు మూసేయడంతో అటు ప్రేక్షకులు, ఇటు దర్శకనిర్మాతలు ఓటీటీల బాట పట్టారు. దీంతో సిచుయేషన్ క్యాష్ చేసుకునేలా తన ‘ఆహా’ వేదిక కోసం వినూత్నంగా ప్లాన్ చేస్తున్నారు బడా నిర్మాత అల్లు అరవింద్. ఈ నేపథ్యంలోనే సమంతతో కొత్త షో ప్రారంభించిన ఆయన ఈ షోలో విజయ్ దేవరకొండను భాగం చేయబోతున్నారు.

స్టార్ హీరోయిన్ హోస్ట్‌గా ఆహా వేదికపై కొత్త షో ‘సామ్ జామ్’ మీ ముందుకు రానుందని ఇటీవలే ప్రకటించిన అల్లు అరవింద్.. ఈ షోలో పాల్గొనబోయే మొదటి గెస్టుగా టాలీవుడ్ రౌడీ స్టార్ విజయ్ దేవరకొండను ఎంచుకున్నారు. తాజాగా సోషల్ మీడియాలో చక్కర్లు కొడుతున్న ఫోటోలు చూస్తుంటే ఈ షో మొదటి ఎపిసోడ్‌లో అక్కినేని కోడలు సమంతతో మ్యాజిక్ చేయబోతున్నారని స్పష్టమవుతోంది.

Also Read:
సామ్ జామ్ షోలో పాల్గొనేందుకు వచ్చిన విజయ్ ఫోటోలు ప్రస్తుతం సోషల్ మీడియాలో వైరల్ అవుతున్నాయి. ఈ ఫొటోల్లో సిల్వర్ కలర్ సూట్‌తో స్టైలిష్‌గా కనిపిస్తున్నారు విజయ్ దేవరకొండ. ప్రస్తుతం పూరి జగన్నాథ్ దర్శకత్వంలో ‘ఫైటర్’ మూవీ చేస్తున్నారు విజయ్. ఈ సినిమాలో అనన్య పాండే హీరోయిన్‌గా నటిస్తోంది. లాక్ డౌన్ కారణంగా వాయిదాపడ్డ ఈ సినిమా షూటింగ్ త్వరలోనే తిరిగి ప్రారంభం కానుంది.