Valentines Day: హీరో తల్లికి పువ్వులు పంపిన హీరోయిన్.. వర్కవుట్ అయ్యిందా?

Share Icons:
బాలీవుడ్ హాట్ బ్యూటీ , హీరో టైగర్ ష్రాఫ్ డేటింగ్‌లో ఉన్నారని చాలాకాలంగా వార్తలు వినిపిస్తున్నాయి. ఇద్దరూ కలిసి ఒకే కారులో ఎన్నోసార్లు డిన్నర్స్‌కి, పార్టీలకు, సినిమాలకు కలిసే వెళ్లారు. మీరిద్దరూ ప్రేమలో ఉన్నారా అని మీడియా వర్గాలు అడిగితే.. దిశా తెలివిగా సమాధానాలు చెప్పి తప్పించుకునేవారు. ‘‘నాకు సిగ్గు ఎక్కువ. టైగర్‌ కూడా అంతే. అందుకే ఇద్దరం ఈ విషయంలో ఏమీ స్పందించలేకపోతున్నాం’’ అని ఓసారి అన్నారు. ఆ తర్వాత ఏమైందో ఏమో తెలీదు కానీ దిశా, టైగర్ కలిసి బయట కనిపించడం తగ్గిపోయింది. దీనిపై కూడా మీడియా దిశాను ఆరాతీసింది.

‘ఏం చేయను వర్కవుట్ అవ్వడంలేదు. టైగర్‌ను ఇంప్రెస్ చేయడానికి నేను కఠినమైన వ్యాయామాలు చేస్తుంటా. అయినా టైగర్‌ని ఇంప్రెస్ చేయలేకపోతున్నా’’ అన్నారు. అయితే దిశా, టైగర్ మధ్య ఎలాంటి రిలేషన్‌ ఉందో కచ్చితంగా చెప్పడం కష్టం. కానీ వాలంటైన్స్ డే సందర్భంగా దిశా ఓ ప్లాన్ వేసారు. టైగర్‌కు పువ్వులు పంపిస్తే ఏమనుకుంటాడో ఏమోనని అతని తల్లి ఆయేషా ష్రాఫ్‌కు గులాబీల బొకేను పంపించారు. ఈ విషయాన్ని ఆయేషా ఇన్‌స్టాగ్రామ్ ద్వారా వెల్లడించారు. ‘దిశా పటానీ నుంచి క్యూట్ వ్యాలెంటైన్ గిఫ్ట్ వచ్చింది’ అని పేర్కొంటూ బొకే ఫొటోలను పోస్ట్ చేసారు.

READ ALSO:

ఇందుకు దిశా స్పందిస్తూ.. ‘లవ్యూ ఆంటీ’ అని కామెంట్ చేసారు. అయితే నెటిజన్స్ దీనిపై ఎవరికి వారు అభిప్రాయాలను వెల్లడించేసారు. టైగర్‌కు నేరుగా ప్రపోజ్ చేస్తుంటే ఒప్పుకోవడంలేదని, అతని తల్లి ద్వారానైనా లైన్లో పెట్టాలని అనుకుంటున్నారట. అంతేకాదు ‘అత్తాకోడళ్ల ప్రేమ అంటే ఇదే’ అని కామెంట్స్ కూడా చేసారు. ఇక దిశా పటానీ నటించిన సినిమాల విషయానికొస్తే.. ఇటీవల దిశా హీరోయిన్‌గా నటించిన ‘మలంగ్’ సినిమా రిలీజ్ అయింది. ఆదిత్య రాయ్ కపూర్, అనిల్ కపూర్ ప్రధాన పాత్రల్లో నటించారు. సినిమా మంచి టాక్ అందుకుంది.

READ ALSO: