జేసీ కుటుంబమే టీడీపీకి సమస్య …ప్రభాకర్ చౌదరి వ్యాఖ్య…

Share Icons:
  • జేసీ ప్రభాకర్ రెడ్డి వ్యాఖ్యలు ఆయన అహంకారానికి నిదర్శనం
  • కాలవ శ్రీనివాసులును ఉద్దేశించి జేసీ మాట్లాడడం బాధాకరం: పయ్యావుల
  • సీమ నీటి సమస్యలపై టీడీపీ నేతల భేటీముందు కార్యకర్తల సంగతి చూడాలన్న జేసీ భేదాభిప్రాయలకు ఇది సమయం కాదన్న పయ్యావుల

సీమ ప్రాజక్టులపై ఏర్పాటు చేసిన సమావేశంలో జేసీ కుటుంబంపై టీడీపీ నేత భగ్గు మన్నారు .జేసీ కుటుంబమే టీడీపీకు పెద్ద సమస్య అని మాజీ ఎమ్మెల్యే ప్రభాకర్ చౌదరి ధ్వజమెత్తారు . కాంగ్రెస్ లో వారు ఉన్నప్పుడు వారిపై నే తాము పోరాడిన విషయాన్నీ గుర్తు చేశారు. ఇప్పుడు వారు అసలు సమస్యను పక్కదారి పట్టించేందుకు బురదజల్లడం బాధాకరమని అన్నారు.

రాయలసీమ ప్రాంత నీటి సమస్యలపై టీడీపీ నేతలు సమావేశం ఏర్పాటు చేయడం , సదస్సులో జేసీ ప్రభాకర్ రెడ్డి చేసిన వ్యాఖ్యలపై మాజీ మంత్రి పయ్యావుల కేశవ్ స్పందించారు. కాలవ శ్రీనివాసులును ఉద్దేశించి జేసీ చేసిన వ్యాఖ్యలు బాధాకరమని అన్నారు. పార్టీని బలహీన పరిచే విధంగా వ్యవహరించడం సరైన పంథా కాదని అభిప్రాయపడ్డారు. వ్యక్తిగత విభేదాలు ఉంటే పార్టీ అధినాయకత్వం దృష్టికి తీసుకెళ్లాలని హితవు పలికారు.

మాజీ ఎమ్మెల్యే ప్రభాకర్ చౌదరి స్పందిస్తూ… కాలవ శ్రీనివాసులు వివాదరహితుడని, ఆయనపై వ్యాఖ్యలు చేయడం అర్ధరహిత మని పేర్కొన్నారు. జేసీ కుటుంబమే టీడీపీకి సమస్య అని ఘాటు వ్యాఖ్యలు చేశారు. వారు కాంగ్రెస్ పార్టీలో ఉన్నప్పుడు చేసిన దౌర్జన్యాలపై తాము పోరాటం చేశామని ప్రభాకర్ చౌదరి పేర్కొన్నారు. జేసీ తాజాగా చేసిన వ్యాఖ్యలు ఆయన అహంకారానికి నిదర్శనమని అన్నారు.

రాయలసీమ ప్రాజెక్టుల భవితవ్యం పేరిట నిన్న అనంతపురం కమ్మ భవనంలో టీడీపీ నేతలు సదస్సు నిర్వహించారు. ఈ కార్యక్రమంలో జేసీ మాట్లాడుతూ, సాగునీటి ప్రాజెక్టుల సంగతి తర్వాత… ముందు పార్టీ కార్యకర్తల సంగతి చూడండి అంటూ ఆగ్రహం వ్యక్తం చేశారు.

కె. రాంనారాయణ, సీనియర్ జర్నలిస్ట్.

Leave a Reply