Taapsee Thappad: తాప్సీ ‘చెంపదెబ్బ’కు శ్రీరెడ్డి ఫుల్ ఖుషీ.. రెస్పెక్ట్‌కి అమ్మాయిలంతా అర్హులే!

Share Icons:
శ్రీరెడ్డినా మజాకా.. క్యాస్టింగ్ కౌచ్ ఉదంతంలో వెలుగులోకి వచ్చిన శ్రీరెడ్డి.. పవర్ స్టార్ పవన్ కళ్యాణ్‌పై ఫైర్ కావడమే కాదు.. మహిళలకు జరిగే అన్యాయాలపై తరచూ తన వాయిస్ వినిపిస్తూ ఉంటుంది. అయితే పోస్ట్ పెట్టింది అంటే ఆమెలోని హాట్ నెస్ మాదిరే.. పోస్ట్‌లోని ఘాటు ఓ రేంజ్‌లో ఉంటుంది. కొన్నిసార్లు చెప్పడానికి కూడా సిగ్గుపడే విధంగా ఆమె పోస్ట్‌లు ఉంటుంటాయి. తాజాగా రానా పెళ్లిపై శ్రీరెడ్డి పెట్టిన పోస్ట్‌లు వైరల్ అయ్యాయి.. ఆయన ఎంగేజ్ మెంట్ (రోకా) వార్తను ఫేస్ బుక్‌లో ముందే ప్రకటించిన శ్రీరెడ్డి.. ‘మా రానా బావ ఎంగేజ్ మెంట్ రామానాయుడు స్టుడియోలో.. ఆ తరువాత నాదే’ అంటూ వరసలు కలిపింది.

అయితే దగ్గుబాటి ఫ్యామిలీతో వరసలు కలపడం శ్రీరెడ్డికి కొత్తేం కాదు. అప్పట్లో దగ్గుబాటి వారసుడు, రానా తమ్ముడు అభిరామ్‌తో నాలుగు గోడల మధ్య జరిగిన రాసలీలల్ని బహిర్గతం చేసుకున్న తరువాత నుంచి శ్రీరెడ్డి.. ఆ కుటుంబంతో వరసలు కలుపుకుంటూ.. సురేష్ బాబుని మామాఅని, వెంకటేష్‌ని చిన మామ అంటూ.. రానాని బావా అంటూ వరసలు కలిపింది.

ఈ సంగతి పక్కనపెడితే.. టాలీవుడ్ హీరోయిన్లపై విమర్శలు గుప్పిస్తూ వార్తల్లో నిలిచే శ్రీరెడ్డి తాజాగా హీరోయిన్ తాప్సీ‌పై ప్రశంసల జల్లు కురిపించింది. రొటీన్ చిత్రాల కాకుండా సందేశాత్మక, చాలెంజింగ్ పాత్రల్లో నటించడానికి ఇష్టపడే తాప్సీ.. తాజాగా ‘తప్పడ్’ అనే సందేశాత్మక చిత్రంలో నటించారు. తప్పడ్ అంటే తెలుగులో ‘చెంపదెబ్బ’ అని అర్థం. 2020 ఫిబ్రవరి 28న విడుదలైన ఈ చిత్రం బాక్సాఫీస్ వద్ద విజయాన్ని నమోదు చేసింది. రూ. 30 కోట్లతో ఈ సినిమాను రూపొందించగా.. దాదాపు రూ. 50 కోట్లను తెచ్చిపెట్టింది. చెంపదెబ్బ (తప్పడ్) సినిమాకి బాక్సాఫీస్ దద్దరిల్లింది. ‘స్త్రీ గౌరవం’ సంబంధించిన కథాంశంతో దర్శకుడు అనుభవ్ సిన్హా.. భావోద్వేగ సన్నివేశాలతో ఈ చిత్రాన్ని తెరకెక్కించారు.

అయితే ఈ చిత్రం బాలీవుడ్ జనాలకే కాదు.. శ్రీరెడ్డికి కూడా విపరీతంగా నచ్చేసింది. తాప్సీ ‘చెంపదెబ్బ’ అదుర్స్ అంటూ రివ్యూ ఇచ్చేసింది. ‘సాధారణ ప్రేమకథా చిత్రాలకు ‘తప్పడ్’ (చెంపదెబ్బ).. నిజంగానే చెంపదెబ్బ లాంటిది. తాప్సీ నటనకు హ్యాట్సాఫ్.. అమ్మాయిలు అంతా గౌరవింపదగిన వాళ్లే’ అంటూ ప్రశంసలు కురిపించింది శ్రీరెడ్డి.