Steve Smith: కోల్‌కతా బాటలో రాజస్థాన్.. స్మిత్ బదులు కెప్టెన్‌గా అతడు..? ఆ ట్వీట్‌తో ఫ్యాన్స్ షాక్!

Share Icons:
ఐపీఎల్ 13వ సీజన్ మధ్యలో దినేశ్ కార్తీక్ కోల్‌కతా నైట్ రైడర్స్ కెప్టెన్సీని వదులుకున్నాడు. దీంతో ఇంగ్లాండ్ పరిమిత ఓవర్ల కెప్టెన్ ఇయాన్ మోర్గాన్‌కు కేకేఆర్ నాయకత్వ బాధ్యతలను అప్పగించింది. బ్యాటింగ్ మీద దృష్టి సారించడం కోసం తాను కెప్టెన్సీ నుంచి వైదొలుగుతున్నట్లు కార్తీక్ ప్రకటించాడు. కోల్‌కతాకు కొత్త కెప్టెన్ వచ్చిన వేళ.. రాజస్థాన్ రాయల్స్ కెప్టెన్ కూడా మారుతాడని ప్రచారం జరిగింది. ఆ ఫ్రాంచైజీ చేసిన ట్వీటే ఈ రూమర్లకు కారణమైంది.

టెలివిజన్ షో ‘ది ఆఫీస్’ ఆధారంగా.. తమ వికెట్ కీపర్ బ్యాట్స్‌మెన్ జోస్ బట్లర్ మీమ్ ఫొటోను రాజస్థాన్ రాయల్స్ పోస్టు చేసింది. జోస్ బట్లర్ లాంటి బాస్‌కు ధన్యవాదాలు అని సరదాగా క్యాప్షన్ జత చేసింది. దీనికి బాస్ డే అనే హ్యాష్ టాగ్ తగిలించి.. జోస్ బట్లర్‌ను ట్యాగ్ చేసింది.

శుక్రవారం మధ్యాహ్నం సమయంలో రాజస్థాన్ రాయల్స్ ఈ ట్వీట్ చేసిన తర్వాత.. కెప్టెన్సీ బాధ్యతల నుంచి స్టీవ్ స్మిత్‌ నుంచి తప్పించి.. బట్లర్‌ను కెప్టెన్ చేస్తారని ప్రచారం జరిగింది. కొందరైతే బట్లర్‌ను కెప్టెన్ చేసి.. స్మిత్ స్థానంలో డేవిడ్ మిల్లర్‌ను ఆడించాలని సూచించారు.

రాజస్థాన్ కెప్టెన్ మారుస్తారనే ప్రచారానికి తమ ట్వీటే కారణం కావడంతో… రాజస్థాన్ రాయల్స్ సోషల్ మీడియా అడ్మిన్ తనపై తానే సెటైర్లు వేసుకున్నారు. తర్వాత కెప్టెన్ అనే క్యాప్షన్‌తో ఫొటోను ట్వీట్ చేయడం ద్వారా కెప్టెన్‌ను మార్చడం లేదని క్లారిటీ ఇచ్చారు.