ఉపగ్రహాలు ప్రయోగించే విమానం!

Share Icons:

 అమెరికా, ఏప్రిల్ 15,

విశాలమైన రెక్కలతో… ప్రపంచంలోనే అత్యంత పెద్దదని చెబుతున్న విమానం తొలిసారి గాల్లోకి ఎగిరింది. మైక్రోసాఫ్ట్ సహ వ్యవస్థాపకుడు పాల్ ఆల్లెన్ 2011లో స్థాపించిన స్ట్రాటోలాంచ్ కంపెనీ ఈ ఎయిర్‌క్రాఫ్ట్‌ను తయారుచేసింది. ఉపగ్రహాలకు ఫ్లయింగ్ లాంచ్‌ప్యాడ్‌లా పని చేయడానికి ఈ ఎయిర్‌క్రాఫ్ట్‌ను రూపొందించారు.

అయితే, ఉపగ్రహాలను కక్ష్యలోకి ప్రవేశపెట్టడానికి ముందు 10 కి.మీ. దూరం విమానాన్ని నడిపారు. దీని రెక్కల పొడవు 385 అడుగులు. అది అమెరికాలోని ఫుట్‌బాల్ గ్రౌండ్ విస్తీర్ణం కంటే ఎక్కువ.  ఈ ప్రాజెక్టు విజయవంతమైతే,   ఉపగ్రహాలను అంతరిక్షంలోకి తక్కువ ఖర్చుతో పంపవచ్చు. విమానంలో ప్రధాన భాగాన్ని ఫ్యూస్లేజ్ అంటారు. ఈ విమానంలో రెండు ఫ్యూస్లేజ్‌లు ఉన్నాయి. ఇందులో మొత్తం 6 ఇంజిన్లు ఉంటాయి.

ఈ విమానం మొదటిసారిగా గంటకు 274కి.మీ. వేగంతో, 15వేల అడుగులదాకా ఎగిరింది. పైలట్ థామస్ మీడియాతో మాట్లాడుతూ, ఈ విమానాన్ని నడిపిన అనుభవం అద్భుతంగా ఉందని, అంతా అనుకున్నట్లుగానే జరిగిందన్నారు. ”ఈరోజుల్లో విమానాలు అందుబాటులో ఉన్నంత సాధారణంగానే, భూ కక్ష్యను కూడా ప్రయోగాలకు అందుబాటులో తేవడమే మా లక్ష్యం” అని స్ట్రాటోలాంచ్ తన వెబ్‌సైట్‌లో పేర్కొంది.

మామాట: సాంకేతిక ప్రగతికి అడ్డేలేదుగా

Leave a Reply