RRR: నా తమ్ముడంటూ పిచ్చెక్కించిన రామ్ చరణ్.. ఎన్టీఆర్ విజువల్ ట్రీట్‌పై వరుణ్ తేజ్ రియాక్షన్

Share Icons:
ప్రతిష్టాత్మక సినిమా నుంచి టీజర్ ఎప్పుడెప్పుడు వస్తుందా? అని గత 5 నెలలుగా ఎదురు చూస్తున్న నందమూరి అభిమానుల నిరీక్షణకు ఫుల్‌స్టాప్ పెట్టారు జక్కన్న. తాజాగా ‘రామరాజు ఫర్ భీమ్’ టీజర్‌ రిలీజ్ చేసింది చిత్రయూనిట్. అక్టోబర్ 22 కొమురం భీమ్ జయంతిని పురస్కరించుకొని ఆయన పోరాట పటిమను చాటిచెప్పే డైలాగులతో ఈ టీజర్ వదిలారు రాజమౌళి. ఇందులో ఎన్టీఆర్ విజువల్ ట్రీట్‌కి రామ్ చరణ్ పవర్‌ఫుల్ వాయిస్‌ తోడవడంతో మెగా, నందమూరి అభిమాన లోకం హుషారెత్తిపోతోంది. దీంతో విడుదలైన కాసేపట్లోనే ఈ టీజర్ వైరల్ అయింది.

ఇక జక్కన్న చెక్కిన ఈ టీజర్‌లో ఎన్టీఆర్ విశ్వరూపం చూసిన టాలీవుడ్ ప్రముఖులు.. ఆయన్ను ప్రశంసిస్తూ పెద్ద ఎత్తున ట్వీట్స్ చేస్తున్నారు. ”వాట్ ఏ గ్రేట్ విజువల్ ట్రీట్, ఎన్టీఆర్ ఆన్ ఫైర్, వావ్ అమేజింగ్” అంటూ ఎన్టీఆర్ నటనా ప్రతిభను తెగ పొగిడేస్తున్నారు నటీనటులు. ప్రస్తుతం టాలీవుడ్ లోకమంతా ఈ టీజర్ గురించే చర్చించుకుంటోంది. టీజర్‌లో చూపించిన సన్నివేశాలు, చెర్రీ వాయిస్ రోమాలు నిక్కబొడిచేలా చేస్తోందని, యంగ్ టైగర్ చించేశారని చెప్పుకుంటున్నారు ఆడియన్స్.

Also Read:
ముఖ్యంగా ఎన్టీఆర్ బాడీ స్పెషల్ అట్రాక్షన్ అవుతోంది. యంగ్ టైగర్ శరీర ధారుఢ్యాన్ని అద్భుతంగా ప్రొజెక్ట్ చేసిన జక్కన్న.. చివర్లో లాల్చీ పైజామా లుక్‌‌తో ముస్లిం సోదరులను ఆకర్షించారు. ఈ ఒక్క నిమిషం వీడియోతోనే సినిమా లోని సన్నివేశాలు ఎంత హైలైట్‌గా ఉండబోతున్నాయనే విషయాన్ని చెప్పేశారు జక్కన్న. గ్రాఫిక్ వర్క్, బ్యా గ్రౌండ్ మ్యూజిక్, విజువలైజేషన్ ఓ రేంజ్‌లో ఉన్నాయి.

”వాడు కనబడితే సముద్రాలు తడబడతాయి.. నిలబడితే సామ్రాజ్యాలు సాగిల పడతాయి. వాడి పొగరు ఎగిరే జెండా.. వాడి ధైర్యం చీకట్లను చీల్చే మండుటెండ. వాడు భూతల్లి చను పాలు తాగిన మన్నెం ముద్దుబిడ్డ. నా తమ్ముడు గోండు బెబ్బులి కొమురం భీమ్..” అంటూ రామ్ చరణ్ వాయిస్ మెగా, నందమూరి అభిమానుల్లో ఉత్సాహాన్ని నింపింది. డీవీవీ దానయ్య సమర్పణలో 400 కోట్ల భారీ బడ్జెట్‌తో ఈ చిత్రాన్ని తెలుగు, తమిళ, మలయాళం, కన్నడ, హిందీ భాషల్లో తెరకెక్కిస్తున్నారు.