RCB Trolls: ఓరి నీ.. లొగో కోసమేనా ఇంత హడావుడి..? ఆర్సీబీ మారదంతే..!

Share Icons:
ఐపీఎల్‌లో పేలవ ప్రదర్శనతో ఇన్నాళ్లు విమర్శలు ఎదుర్కొన్న రాయల్ ఛాలెంజర్స్ బెంగళూరు (ఆర్సీబీ) టీమ్.. ఇప్పుడు లొగో మార్పు విషయంలోనూ అభిమానుల నుంచి మొట్టికాయలు వేయించుకుంది. రెండు రోజుల క్రితం ఆర్సీబీ సోషల్ మీడియా అకౌంట్స్‌లోని ప్రొఫైల్ ఫొటోల్ని తొలగించిన ఫ్రాంఛైజీ.. ఓ సరికొత్త మార్పుని చూడబోతున్నారంటూ ఫ్యాన్స్‌ని ఊరించింది. దీంతో.. ఐపీఎల్ 2020 సీజన్‌కి ఆర్సీబీ పేరుతో పాటు లొగో మారబోతోందంటూ వార్తలు వచ్చాయి.

శుక్రవారం ఉదయం ఆర్సీబీ ఫ్రాంఛైజీ అధికారికంగా టీమ్ లొగోని మారుస్తూ ఓ వీడియోని సోషల్ మీడియాలో పోస్ట్ చేసింది. కానీ.. ఆ లొగో పాతదాని తరహాలోనే ఉండటంతో అభిమానులు నిరాశ చెందుతూ.. దీనికేనా.. ఇంత హడావుడి..? అంటూ చురకలేస్తున్నారు. అంచనాల్ని పెంచేయడం.. ఆ తర్వాత చతికిలపడటం ఆర్సీబీకి అలవాటే కదా..? అని మరికొందరు సెటైర్లు పేలుస్తున్నారు. మొత్తానికి ఏదో అనుకుంటే..? మరోలా అయ్యింది ఆర్సీబీ పరిస్థితి.

2008 నుంచి ఐపీఎల్ జరుగుతుండగా.. ఇప్పటి వరకూ కనీసం ఒక్కసారి కూడా రాయల్ ఛాలెంజర్స్ బెంగళూరు టీమ్ టైటిల్‌ని గెలవలేకపోయింది. ఈ క్రమంలో 2015లో ఒక్కసారి లొగోని మార్చిన ఆర్సీబీ ఫ్రాంఛైజీ.. తాజాగా రెండోసారి కూడా లొగోని మార్చి బరిలోకి దిగబోతోంది. మరి.. ఈ సారైనా.. టీమ్ రాత మారుతుందేమో..? చూడాలి.