Rana Marriage: రానా పెళ్లిపై అక్షయ్ కుమార్ షాకింగ్ కామెంట్.. పబ్లిక్‌గా ఏమన్నాడో మీరే చూడండి!!

Share Icons:
సాధారణంగా ఓ బ్యాచిలర్ ఇంటివాడు కాబోతున్నాడంటే చాలు ఓ వైపు సంబరాలు నడుస్తుంటే.. మరోవైపు మనోడు బుక్ అవుతున్నాడు అని స్నేహితులు చేసే సరదా కామెంట్స్ వింటూ ఉంటాం. పెళ్ళైతే ఇక ఫ్రీడమ్ లైఫ్ కోల్పోతాం, హ్యాపీగా స్పెండ్ చేసే లోన్లీ టైమ్ మిస్ అవుతాం అనే కోణంలో ఇలాంటి కామెంట్స్ వినిపిస్తుంటాయి. అయితే ఇది సాధరణ ప్రజలకే కాదు.. సెలబ్రిటీలకు కూడా వర్తిస్తుంది అన్నట్లుగా దగ్గుబాటి రానా పెళ్లిపై షాకింగ్ కామెంట్ చేశారు బాలీవుడ్ హీరో .

ఈ రోజు (శనివారం) రాత్రి 8 గంటల 30 నిమిషాలకు హైదరాబాద్ రామానాయుడు స్టూడియోలో మన భల్లాల దేవుడు చేసుకోబోతున్నారు. తన ఇష్టసఖి మిహీకా బజాజ్ మెడలో మూడు ముళ్ళేసి ఓ ఇంటివాడిగా బాధ్యతలు స్వీకరించబోతున్నారు. ఈ సందర్భంగా పలువురు సెలబ్రిటీలు సోషల్ మీడియా వేదికగా రానాకు శుభాకాంక్షలు తెలుపుతున్నారు. అయితే బాలీవుడ్ స్టార్ హీరో అక్షయ్ కుమార్ మాత్రం కాస్త డిఫరెంట్ ట్వీట్ చేసి నెటిజన్లను ఓ రేంజ్‌లో ఆకర్షించారు.

Also Read:
తన లైఫ్ లోకి మిహీక రాబోతోంది.. ఇక లైఫ్ అంతా హ్యాపీ అంటూ తమ ఇద్దరి ఫోటోతో రానా చేసిన ట్వీట్ జతచేస్తూ అక్షయ్ కుమార్ మరో ట్వీట్ పెట్టారు. ”శాశ్వతంగా లాక్-డౌన్ అవ్వడానికి సరైన మార్గం.. కంగ్రాట్స్.. మీ జీవితం సుఖ సంతోషాలతో వర్ధిల్లాలని కోరుకుంటున్నా” అని అందులో పేర్కొన్నారు. అక్షయ్ పెట్టిన ఈ కామెంట్‌లో ‘శాశ్వతంగా లాక్-డౌన్’ అనే పదం నెటిజన్లు ఆకర్షిస్తోంది. సింపుల్‌గా సూపర్‌ చెప్పారు అక్షయ్ సార్ అంటూ రియాక్ట్ అవుతున్నారు ఈ ట్వీట్ చూసిన నెటిజన్స్.

టాలీవుడ్‌తో పాటు బాలీవుడ్ సినిమాల్లో నటిస్తూ ఆల్ ఇండియా స్టార్‌గా గుర్తింపు తెచ్చుకుంటున్న రానా.. అక్షయ్‌తో కలిసి రెండు సినిమాలు చేశారు. ‘‘బేబీ, హౌస్‌ఫుల్ 4’’ సినిమాల్లో వీరిద్దరూ కలిసి నటించారు. అలా రానాతో మంచి స్నేహం ఏర్పర్చుకున్న అక్షయ్.. మనోడి పెళ్లిపై అలా కామెంట్ చేసి వార్తల్లో నిలిచారు.