RahulSipligunj: ఇది గుండుతో హల్చల్ చేయాల్సిన సమయం.. అంతా ఆ హీరోయిన్ కోసమే!

Share Icons:
బిగ్ బాస్ సీజన్ 3 విన్నర్ షాకింగ్ లుక్‌లో దర్శనమిచ్చి అందరినీ ఆశ్చర్యపరిచాడు. ఎప్పుడూ సోషల్ మీడియాలో యాక్టివ్‌గా ఉండే రాహుల్.. గుండుతో కనిపించడంతో ఈ పిక్ సోషల్ మీడియాలో వైరల్ అవుతోంది. పైగా స్వయంగా తన సోషల్ మీడియా ఖాతా ద్వారా ఈ లుక్ షేర్ చేసిన ఆయన.. ‘ఇది గుండుతో హల్చల్ చేయాల్సిన సమయం’ అని ట్యాగ్ చేయడం ఆసక్తికరంగా మారింది. అయితే ఈ లుక్ ఓ హీరోయిన్ కోసం అనే న్యూస్ బయటకొచ్చింది. కేవలం ఆమె కోసమే రాహుల్ ఈ అవతారమెత్తాడని అంటున్నారు.

సింగర్‌గా కెరీర్ ప్రారంభించిన రాహుల్.. అంచెలంచెలుగా తన పాపులారిటీ పెంచుకున్నాడు. బిగ్ బాస్ రియాలిటీ షో ద్వారా తెలుగు రాష్ట్రాల్లోని ప్రతీ ఒక్కరికీ సుపరిచితం అయ్యాడు. ఈ షోలో తోటి పార్టిసిపెంట్ పునర్నవి భూపాలంతో ఆయన పండించిన కెమిస్ట్రీ అందరినీ ఆకట్టుకుంది. దీంతో ఈ ఇద్దరూ పెళ్లి చేసుకోబోతున్నారనే రూమర్స్ కూడా బటయకొచ్చాయి. ఇంకా ఎన్నో విషయాలతో నిత్యం వార్తల్లో నిలుస్తూ వస్తున్న రాహుల్.. తాజాగా గుండు లుక్ పోస్ట్ చేసి సంచలనం సృష్టించాడు.

దీంతో ఈ గుండు లుక్ ఎందుకు? ఉన్నట్టుండి ఎందుకిలా మారాడు ఆమె కోణంలో విశ్లేషణలు ప్రారంభమయ్యాయి. ఈ క్రమంలో రాజశేఖర్ కూతురు శివాత్మికతో కలిసి అలరించేందుకే ఆయన ఈ లుక్ లోకి వచ్చాడనే సమాచారాలు వినిపిస్తున్నాయి. క్రియేటివ్ డైరెక్టర్ కృష్ణ వంశీ తెరకెక్కిస్తోన్న ‘’ సినిమాలో రోల్ కోసం రాహుల్ లుక్ మార్చేశాడని టాక్. మరాఠీ చిత్రం ‘నటసామ్రాట్’కు రీమేక్‌గా వస్తున్న ఈ మూవీలో జోడీగా రాహుల్ నటిస్తున్నాడు. రాహుల్ గుండు వెనుక ఆమె పాత్ర ప్రభావం ఉంటుందని, వీళ్లిద్దరి క్యారెక్టర్స్ సినిమాకే పెద్ద అసెట్ అవుతాయని తెలుస్తోంది. మొత్తానికైతే రాహుల్ గుండు లుక్, ఆ రహస్యం టాలీవుడ్ సర్కిల్స్‌లో చర్చనీయాంశం కావడం విశేషం.