Prabhas: ‘ఆదిపురుష్’ కోసం లెజెండరీ మ్యూజిక్ డైరెక్టర్.. సంగీతం మేజర్ అట్రాక్షన్ అయ్యేలా ప్లాన్!

Share Icons:
యంగ్ రెబల్ స్టార్ హీరోగా రానున్న భారీ మూవీ ‘ఆదిపురుష్’. బాలీవుడ్ దర్శకుడు ఓం రౌత్ రూపొందిస్తున్న ఈ సినిమా కోసం పక్కా ప్లాన్స్ వేస్తున్నారు. నటీనటులు మొదలుకొని సాంకేతిక వర్గం వరకు అన్నింటా స్పెషల్ పర్సన్స్‌ని తీసుకోవాలని చూస్తున్నారు. సంగీతం, కథ, నటీనటుల పర్‌ఫార్‌మెన్స్ ఇలా ఏ కోణంలో చూసినా సినిమాకు తిరుగులేదనేలా సినిమా రూపొందించాలని స్కెచ్ వేస్తున్నారు మేకర్స్. పౌరాణిక చిత్రంగా ప్రేక్షకుల ముందుకు రాబోతున్న ఈ చిత్ర మ్యూజిక్ డైరెక్టర్ విషయమై తాజాగా ఓ ఇంట్రెస్టింగ్ న్యూస్ బయటకొచ్చింది.

ఇటీవలే ఈ మూవీ టైటిల్ పోస్టర్ రిలీజ్ చేసి ఆసక్తి రేకెత్తించిన చిత్రయూనిట్.. ఆ తర్వాత ప్రభాస్‌ని ఢీకొట్టే విలన్ రావణాసుడిగా బాలీవుడ్ నటుడు సైఫ్ అలీఖాన్ నటించనున్నట్లు తెలిపారు. ఈ క్రమంలో పౌరాణిక చిత్రం కాబట్టి సంగీతం సినిమాకే మేజర్ అట్రాక్షన్ కావాలని భావించిన దర్శకనిర్మాతలు.. మొదట ఏఆర్‌ రెహమాన్‌ పేరును పరిశీలించారట. కానీ పలు విధాలుగా చర్చించుకొని చివరకు గతంలో బాహుబలి సిరీస్‌ ఘన విజయంలో కీలకపాత్ర పోషించిన మ్యూజిక్ డైరెక్టర్ అయితేనే పర్ఫెక్ట్ అనే ఆలోచనకు వచ్చారట. ఈ విషయం బయటకురావడంతో ప్రభాస్ ఫ్యాన్స్ సైతం కీరవాణినే ఈ సినిమాకు మ్యూజిక్ అందించాలని కోరుకుంటున్నారు.

మరోవైపు నిత్యం ‘ఆదిపురుష్’‌కి సంబంధించి ఏదో ఒక వార్త వైరల్ అవుతూనే ఉంది. రీసెంట్‌గా ఈ సినిమాలో హీరోయిన్‌గా బాలీవుడ్ బ్యూటీ అనుష్క శర్మ నటించనుందని వార్తలు షికారు చేయగా, ఆ తర్వాత ఇందులో ప్రభాస్ పెదనాన్న కృష్ణం రాజు కూడా కీలకపాత్ర పోషించబోతున్నారనే న్యూస్ హల్చల్ చేసింది. దీంతో సినిమా షూటింగ్ ప్రారంభానికి ముందే ‘ఆదిపురుష్’‌పై ఉన్న అంచనాలు ఆకాశాన్నంటుతున్నాయి.

Also Read:
ప్రభాస్ కెరీర్‌లో 22వ సినిమాగా రానున్న ఈ ‘ఆదిపురుష్’ మూవీని హిందీ, తెలుగు, తమిళ, కన్నడ, మలయాళం భాషల్లో భారీ ఎత్తున ప్రేక్షకుల ముందుకు తీసుకురాబోతున్నారు. చిత్రంలో ప్రభాస్ రాముడి పాత్ర పోషించనుండటం ఆయన అభిమానుల్లో ఆతృత పెంచేసింది. 2021 ఆరంభంలో ఈ మూవీ షూటింగ్ ప్రారంభించి 2022 ఆరంభం రిలీజ్ చేయాలనేది మేకర్స్ ప్లాన్.