TRENDING NOW

హోదా అంశం ప్రత్యక్షంగా, పరోక్షంగా.. ఏ రకంగానూ ఆర్థిక సంఘం పరిధిలోకి రాదు

హోదా అంశం ప్రత్యక్షంగా, పరోక్షంగా.. ఏ రకంగానూ ఆర్థిక సంఘం పరిధిలోకి రాదు
Views:
17
 
విజయవాడ, అక్టోబరు 11, 
ఏపీ పునర్విభజన చట్టం, ప్రత్యేక హోదాపై 15వ ఆర్థిక సంఘం ఛైర్మన్ ఎన్‌కే సింగ్ ఆసక్తికర వ్యాఖ్యలు చేశారు. హోదా తప్పించుకునేందుకు 14వ ఆర్థిక సంఘాన్ని సాకుగా చూపారని ఆయన అన్నారు. గురువారం అమరావతిలో సీఎం చంద్రబాబు నాయుడుతో సమావేశమైన ఆయన మీడియాతో మాట్లాడారు. గతంలో కొత్త రాష్ట్రాలు ఏర్పడినప్పుడు పునర్విభజన కోసం ప్రత్యేక ఇంప్లిమెంటేషన్ మెకానిజం ఉండేదని, ఇందు కోసం ప్లానింగ్ కమిషన్ వైస్ ఛైర్మన్ బాధ్యత తీసుకునేవారని చెప్పారు. కానీ, ఏపీ పునర్విభజన చట్టం అమలుకు ఎలాంటి పర్యవేక్షణ వ్యవస్థ లేదని తెలిపారు. ప్రత్యేక హోదా ఆర్థిక సంఘం పరిధిలోకి రాదని చెప్పిన ఎన్‌కే సింగ్.. ఏపీ ప్రభుత్వ రెవెన్యూ లోటు ప్రతిపాదనలను పరిశీలిస్తామని చెప్పారు. ప్రతి ఆర్థిక సంఘం సాంకేతికంగా గత ఆర్థిక సంఘం నిర్ణయాలను కొంతవరకూ కొనసాగిస్తుందని ఎన్‌కే సింగ్ తెలిపారు.
ప్రత్యేక హోదా అంశం ప్రత్యక్షంగా, పరోక్షంగా.. ఏ రకంగానూ ఆర్థిక సంఘం పరిధిలోకి రాదని స్పష్టం చేశారు. ఆర్థిక సంఘం అనేది రాజ్యాంగ బద్ద సంస్థ అని ఎన్‌కే సింగ్ స్పష్టం చేశారు. పార్లమెంట్‌లో పునర్విభజన బిల్లు పాసైనప్పుడు తాను కూడా సభలోనే ఉన్నానని ఆయన గుర్తుచేశారు. ఎన్‌కే సింగ్ చేసిన వ్యాఖ్యలు కేంద్రంలో బీజేపీ సర్కారును ఇరుకున పెట్టేలా ఉన్నాయి. ఇన్ని రోజులూ ఆర్థిక సంఘాన్ని బూచీగా చూపి హోదా విషయంలో ఏపీని కేంద్రం ఎలా మోసం చేసిందో ప్రజలకు వివరించడానికి సీఎం చంద్రబాబు నాయుడుకు పదునైన ఆయుధం లభించినట్లైంది.
ఏపీకి ప్రత్యేక హోదాను ఇవ్వకుండా తప్పించేందుకు 14వ ఆర్థిక సంఘాన్ని సాకుగా చూపారని అన్నారు. ఏపీ పునర్విభజన చట్టం అమలుకు పర్యవేక్షణ వ్యవస్థ లేదని చెప్పారు. ప్రత్యేక హోదా అంశం 15వ ఆర్థిక సంఘం పరిధిలోకి రాదని తెలిపారు. రెవెన్యూ లోటు భర్తీపై ఏపీ ప్రతిపాదనను పరిశీలిస్తామని చెప్పారు. ఏపీ విభజన బిల్లు పార్లమెంటులో పాస్ అయినప్పుడు తాను కూడా రాజ్యసభలో ఉన్నానని తెలిపారు. 
మామాట: అంటే.. మరి ఎవరి పరిధిలోకి వస్తుందో చెప్పరాదా
(Visited 27 times)

Leave a Reply

Your email address will not be published. Required fields are marked *

Menu
%d bloggers like this: