ఆందోళన చేస్తున్న1500 మంది రైతులపై హత్యాయత్నం కేసులు!

Share Icons:
  • భూముల పరిహారం పెంచమని 40 రోజులుగా రైతుల ఆందోళన
  • ప్రభుత్వం ఇస్తున్న పరిహారం సరిపోవట్లేదంటున్న రైతులు
  • పరిహారం పెంచి ఇవ్వాలని 40 రోజులుగా డిమాండ్
  • హత్యాయత్నం సహా పలు అభియోగాల కింద కేసుల నమోదు

కేంద్ర మంత్రి తన కాన్వాయ్ తో రైతులను తొక్కించి 9 మంది మరణానానికి కారణమైన సంఘటన మరవకముందే తమ భూములకు పరిహారం సరిపోదు పెంచడన్న పాపానికి 1500 రైతులపైనా హత్యాయత్నం కేసులు బనాయించడంపై రైతులు భగ్గుభగ్గుమంటున్నారు. రైతులు తాము ప్రభుత్వ అవసరాలకు భూములు ఇస్తున్నాం, మాకిచ్చే పరిహారం సరిపోదు పెంచాలని కోరుతున్నాం. గత 40 రోజులుగా ఆందోళన చేస్తున్న పట్టించుకోలేదు.  తమపైనే ఉల్టా కేసులు పెట్టడం ఏమిటని ప్రశ్నిస్తున్నారు. కేసులు ఒక్క మొగ రైతులపైనే కాదు ఆడవారి పై కూడా హత్యాయత్నం కేసులు పెట్టడం దుర్మార్గం అంటున్నారు రైతులు .తమ నుంచి సేకరిస్తున్న భూములకు నష్టపరిహారాన్ని పెంచి ఇవ్వాలంటూ నోయిడాలో ఆందోళన చేస్తున్న రైతులపై ఉత్తరప్రదేశ్ ప్రభుత్వం హత్యాయత్నం కేసులు నమోదు చేసింది. తమ నుంచి సేకరిస్తున్న భూములకు ప్రభుత్వం ప్రకటించిన నష్టపరిహారం సరిపోదని, మరికొంత పెంచి ఇవ్వాలని డిమాండ్ చేస్తూ 40 రోజులుగా రైతులు ఆందోళన చేస్తున్నారు.

ఈ నేపథ్యంలో పోలీసులు నిన్న దాదాపు 1500 మంది రైతులపై పలు అభియోగాల కింద కేసులు నమోదు చేశారు. వీరిలో మహిళలు కూడా ఉన్నారు. రైతులపై నమోదైన అభియోగాల్లో హత్యాయత్నం, అల్లర్లు రేపడం, అక్రమ నిర్బంధం, ప్రభుత్వ ఆస్తులను ధ్వంసం చేయడం వంటివి ఉన్నాయి.

ఈ కేసులపై అధికారులు మాట్లాడుతూ.. నోయిడా అథారిటీ కార్యాలయం ప్రధాన ద్వారానికి భారతీయ కిసాన్ పరిషత్ నేత సుఖ్‌వీర్ ఖలీఫా, మరికొందరు నేతలు తాళం వేశారని, ఆందోళనకారులతో జరిగిన ఘర్షణలో పలువురు పోలీసులకు గాయాలయ్యాయని పేర్కొన్నారు. సుఖ్‌బీర్ సహా మొత్తం 31 మంది పేర్లను ఎఫ్ఐఆర్‌లో నమోదు చేసినట్టు తెలిపారు.

-కె. రాంనారాయణ, సీనియర్ జర్నలిస్ట్.

Leave a Reply