Mumbai Odi: భారత్ చిత్తు 10 వికెట్లతో ఆసీస్ విజయం

Share Icons:
కొత్త సంవత్సరంలో భారత్‌కు తొలి ఓటమి ఎదురైంది. మంగళవారం ముంబైలోని వాంఖడే స్టేడియం వేదికగా జరిగిన తొలి వన్డేలో చేతిలో 10 వికెట్లతో ఓడిపోయింది. టాస్ ఓడి తొలుత బ్యాటింగ్ చేసిన భారత్ 49.1 ఓవర్లలో 255 పరుగులకు ఆలౌటైంది. అనంతరం ఛేదనను 37.4 ఓవర్లలో 258/0తో ఆసీస్ పూర్తి చేసింది. ఆసీస్ ఓపెనర్ డేవిడ్ వార్నర్ (112 బంతుల్లో 128 నాటౌట్, 17 ఫోర్లు, 3 సిక్సర్లు) టాప్ స్కోరర్‌‌గా నిలిచాడు. కెప్టెన్ ఫించ్ (114 బంతుల్లో 110 నాటౌట్, 13 ఫోర్లు, 2 ఫోర్లు) కూడా సెంచరీ సాధించాడు. వార్నర్‌కు మ్యాన్ ఆఫ్ ది మ్యాచ్ అవార్డు దక్కింది. తాజా విజయంతో మూడు వన్డేల సిరీస్‌లో ఆసీస్ 1-0 ఆధిక్యంలో నిలిచింది. రెండో వన్డే రాజ్‌కోట్‌లో ఈనెల 17న జరుగుతుంది.

Read Also :

బ్యాటింగ్‌కు స్వర్గధామమైన వికెట్‌పై ఓ మాదిరి టార్గెట్‌తో బరిలోకి దిగిన ఆస్ట్రేలియాకు భారత బౌలర్ల నుంచి ఎలాంటి ప్రతిఘటన ఎదురుకాలేదు. ఓపెనర్లు వార్నర్, ఫించ్ స్వేచ్ఛగా బ్యాట్ ఝుళిపించారు. ఆరంభంలోనే రివ్యూను సమర్థవంతంగా ఉపయోగించుకున్న వార్నర్ చెలరేగాడు. ఈక్రమంలో 7.1 ఓవర్లలోనే 50 పరుగులు మార్కును చేరిన కంగారూలు.. తొలి పవర్‌ప్లేలో 84 పరుగులు సాధించారు. అనంతరం ఇద్దరూ జోరు పెంచడంతో 12.3 ఓవర్లలోనే ఆసీస్ వంద పరుగుల మార్కును దాటింది. ఈక్రమంలో వార్నర్ 40 బంతుల్లో అర్ధసెంచరీని పూర్తి చేసుకున్నాడు. కాస్త నెమ్మదిగా ఆడిన ఫించ్ 52 బంతుల్లో ఫిఫ్టీ కంప్లీట్ చేశాడు. ఫించ్ ఔట్ కోసం 20వ ఓవర్ ఆఖరి బంతికి భారత్ రివ్యూ తీసుకోగా అది సత్ఫలితాన్ని ఇవ్వలేదు. కాసేపటికే 22.4 ఓవర్లలో ఆసీస్ 150 పరుగుల మార్కును దాటింది. ఫిఫ్టీ అనంతరం జోరు పెంచిన వార్నర్ ఎడాపెడా బౌండరీలు బాదాడు. ఈక్రమంలో వన్డేల్లో 5వేల పరుగుల మార్కును చేరుకున్నాడు. కాసేపటికే ఆసీస్ 200 పరుగుల మార్కును.. వార్నర్ సెంచరీ (88 బంతుల్లో) కంప్లీట్ చేశాడు. అనంతరం ఫించ్ కూడా సెంచరీ సాధించాడు. ఇరువురు మరింత జోరు పెంచడంతో 12.2 ఓవర్లు (74 బంతులు) మిగిలి ఉండగానే ఆసీస్ విజయం సాధించడం విశేషం. భారత బౌలర్లలో షమీ, బుమ్రా, శార్దూల్ ఠాకూర్ ధారళంగా పరుగులిచ్చి ఏమాత్రం ప్రభావం చూపలేకపోయారు.

Read Also :
అంతకుముందు బ్యాటింగ్‌లో భారత్ నిరాశ పర్చింది. ముగ్గురు స్పెషలిస్టు ఓపెనర్లు రోహిత్ శర్మ, శిఖర్ ధావన్, లోకేశ్ రాహుల్‌లను జట్టులోకి తీసుకోవాలనే నిర్ణయం బెడిసికొట్టింది. ఇందుకోసం బ్యాటింగ్ ఆర్డర్ మార్చడంతో భారత్ భారీ స్కోరు సాధించలేకపోయింది. ధావన్ (74) ఒక్కడే అర్ధసెంచరీతో రాణించాడు. రాహుల్ (47) ఫర్వాలేదనిపించాడు. ఈ ఏడాది తొలి మ్యాచ్ ఆడిన రోహిత్ శర్మ (10)తోపాటు కెప్టెన్ విరాట్ కోహ్లీ (16), శ్రేయస్ అయ్యర్ (4) విఫలమయ్యారు. రిషబ్ పంత్ (28), రవీంద్ర జడేజా (25) పోరాడటంతో కాస్త గౌరవప్రదమైన స్కోరు సాధించింది. బౌలర్లలో మిషెల్ స్టార్క్‌కు మూడు వికెట్లు దక్కాయి. కమిన్స్, రిచర్డ్‌సన్ చెరో రెండు వికెట్లతో రాణించారు.

Read Also :