IPL Score Updates: బెంగళూరుపై బ్యాటింగ్ ఎంచుకున్న రాజస్థాన్

Share Icons:
ఐపీఎల్ 2020 సీజన్‌లో భాగంగా రాయల్ ఛాలెంజర్స్ బెంగళూరుతో దుబాయ్ వేదికగా శనివారం మధ్యాహ్నం జరుగుతున్న మ్యాచ్‌లో టాస్ గెలిచిన రాజస్థాన్ రాయల్స్ కెప్టెన్ స్టీవ్‌స్మిత్ బ్యాటింగ్ ఎంచుకున్నాడు. బెంగళూరు తుది జట్టులో కెప్టెన్ విరాట్ కోహ్లీ రెండు మార్పులు చేశాడు. ఆల్‌రౌండర్ శివమ్ దూబే, ఫాస్ట్ బౌలర్ మహ్మద్ సిరాజ్‌పై వేటు వేసి.. గుర్‌కీరత్ మన్ సింగ్, షబాజ్ అహ్మద్‌ని టీమ్‌లోకి తీసుకున్నాడు. రాజస్థాన్ టీమ్‌లో మాత్రం ఎలాంటి మార్పులు జరగలేదు.

తాజా సీజన్‌లో 8 మ్యాచ్‌లాడిన బెంగళూరు టీమ్ ఐదింట్లో గెలుపొంది.. పాయింట్ల పట్టికలో మూడో స్థానంలో కొనసాగుతోంది. మరోవైపు రాజస్థాన్ రాయల్స్ ఆడిన ఎనిమిది మ్యాచ్‌లకిగానూ మూడింట్లో మాత్రమే విజయం సాధించి పట్టికలో ఏడో స్థానంలో ఉంది. రాజస్థాన్ జట్టు ప్లేఆఫ్ రేసులో నిలవాలంటే మిగిలిన ఆరు మ్యాచ్‌లకిగానూ కనీసం ఐదింట్లో గెలుపొందాల్సి ఉంటుంది. మరోవైపు బెంగళూరు కూడా ఇటీవల తడబడుతోంది. దాంతో.. ఆ జట్టు మిగిలిన ఆరింట్లో కనీసం మూడు మ్యాచ్‌ల్లో గెలవాలి.

బెంగళూరు టీమ్‌‌లో ఓపెనర్లు దేవదత్ పడిక్కల్, అరోన్ ఫించ్ మెరుగైన ఆరంభాల్ని ఇవ్వలేకపోతున్నారు. ఇద్దరిలో ఎవరో ఒకరు బాగా ఆడటమే తప్ప.. జోడీగా అదరగొట్టింది ఏమీ లేదు. దాంతో.. మిడిలార్డర్‌లో విరాట్ కోహ్లీ, ఏబీ డివిలియర్స్‌పై ఒత్తిడి పెరుగుతోంది . ఇక ఆల్‌రౌండర్ క్రిస్‌మోరీస్ రాకతో ఆ జట్టులో సమతూకం పెరగగా.. స్పిన్నర్ చాహల్ అదరగొట్టేస్తున్నాడు. మిడిల్ ఓవర్లలో చాహల్‌కి మరో బౌలర్ సపోర్ట్ ఇవ్వగలిగితే మేలు.

రాజస్థాన్ జట్టులో ఓపెనర్లు జోస్ బట్లర్, బెన్ స్టోక్స్ మెరుపు ఆరంభాల్ని టీమ్‌కి ఇస్తున్నారు. కానీ.. కీలక సమయంలో వికెట్లు చేజార్చుకోవడం పరిపాటిగా మారిపోయింది. ముఖ్యంగా.. బట్లర్ కరెక్ట్‌గా గేర్ మార్చే టైమ్‌లోనే ఔటైపోతున్నాడు. ఇక స్టీవ్‌స్మిత్, సంజు శాంసన్, రాబిన్ ఉతప్ప ఫామ్ కోల్పోగా.. రాహుల్ తెవాటియా ప్రతి మ్యాచ్‌లోనూ ఆఖర్లో హిట్టింగ్‌తో పోరాడుతున్నాడు. బౌలింగ్‌లో జోప్రా ఆర్చర్ ఆ టీమ్‌కి ప్రధాన బలంకాగా.. స్పిన్నర్ శ్రేయాస్ గోపాల్, జయదేవ్ ఉనద్కత్ ధారాళంగా పరుగులిస్తున్నారు.

Rajasthan Royals (Playing XI): Ben Stokes, Jos Buttler(w), Steven Smith(c), Sanju Samson, Robin Uthappa, Riyan Parag, Rahul Tewatia, Jofra Archer, Shreyas Gopal, Jaydev Unadkat, Kartik Tyagi

Royal Challengers Bangalore (Playing XI): Aaron Finch, Devdutt Padikkal, Virat Kohli(c), AB de Villiers(w), Gurkeerat Singh Mann, Washington Sundar, Chris Morris, Shahbaz Ahmed, Isuru Udana, Navdeep Saini, Yuzvendra Chahal