IPL 2020 Final: ఈ మూడింటి ప్రకారం.. ఢిల్లీనే విజేత!

Share Icons:
ఐపీఎల్ 2020 ఫైనల్లో ముంబై ఇండియన్స్‌తో తలపడనుంది. మరి కొద్ది గంటల్లో (నవంబర్ 10న) దుబాయ్ వేదికగా ఇరు జట్లూ పోరాడనున్నాయి. ఢిల్లీ క్యాపిటల్స్ ఐపీఎల్ ఫైనల్ చేరడం ఇదే తొలిసారి కాగా.. ముంబై ఇండియన్స్ గతంలో ఐదుసార్లు ఫైనల్ చేరి.. నాలుగుసార్లు కప్ నెగ్గింది. ఈ సీజన్లో జరిగిన రెండు లీగ్ మ్యాచ్‌లతోపాటు.. క్వాలిఫైయర్ 1లోనూ ఢిల్లీని ముంబై ఇండియన్స్ ఓడించింది.

ఫైనల్లో ముంబై ఇండియన్స్‌పై ఢిల్లీ గెలవాలంటే.. శ్రేయాస్ అయ్యర్ నాయకత్వంలోని ఆటగాళ్లంతా శక్తికి మంచి ఆడాల్సి ఉంటుంది. 13 ఏళ్ల నిరీక్షణకు తెర దించడం కోసం ఢిల్లీ సర్వసన్నద్ధం అవుతోంది. ముంబైతో పోలిస్తే ఢిల్లీలో అనుభవం ఉన్న ఆటగాళ్లు తక్కువ. కానీ మూడు సెంటిమెంట్లు ఢిల్లీకి అనుకూలంగా ఉన్నాయి.

2008లో ఐపీఎల్ ప్రారంభం కాగా.. ప్రతి లీప్ సంవత్సరంలో కొత్త జట్టు ఛాంపియన్ అవుతోంది. 2008లో రాజస్థాన్ గెలవగా.. 2012లో చెన్నైపై కోల్‌కతా విజయం సాధించింది. 2016లో సన్‌రైజర్స్ హైదరాబాద్ కప్ కొట్టింది. ఈ ట్రెండ్ ప్రకారం 2020లోనూ కొత్త ఛాంపియన్ వస్తుందని అంచనా వేస్తున్నారు.

అత్యధికసార్లు ఐపీఎల్ టైటిల్ నెగ్గిన జట్టు ముంబై ఇండియన్స్. ఇప్పటి వరకూ ఆ జట్టు నాలుగుసార్లు టైటిల్ నెగ్గిన సరి సంఖ్య వచ్చే ఏడాది ఆ జట్టు కప్ గెలవలేదు. ముంబై జట్టు 2013, 2015, 2017, 2019 సంవత్సరాల్లో విజేతగా నిలిచింది. ఇవన్నీ బేసి సంఖ్యలే కావడం గమనార్హం. 2010 ఐపీఎల్ ఫైనల్లో ఆ జట్టు చెన్నై చేతిలో 22 పరుగుల తేడాతో ఓడింది.

సరి సంఖ్య ఏడాదిలో ముంబై ఇండియన్సే కాదు.. రోహిత్ శర్మ సైతం టీ20 ట్రోఫీ గెలవలేదు. 2007లో ధోనీ నాయకత్వంలో భారత్ తొలి టీ20 వరల్డ్ కప్ గెలిచింది. ఆ జట్టులో రోహిత్ సభ్యుడు. 2009లో డెక్కన్ ఛార్జర్స్ తరఫున ఆడిన రోహిత్ తొలిసారి ఐపీఎల్ టైటిల్ గెలిచాడు. 2014 టీ20 వరల్డ్ కప్‌ ఫైనల్లో భారత జట్టు శ్రీలంక చేతిలో ఓడింది. సరి ఏడాదిలో రోహిత్ శర్మ నాయకత్వంలో ముంబై ఇండియన్స్ ఐపీఎల్ ఫైనల్ ఆడటం ఇదే తొలిసారి.