IPL 2020: స్ట్రైరిస్‌ పాయింట్ల పట్టిక జోస్యంపై RR రిప్లై.. KKR హ్యాపీ

Share Icons:
ఐపీఎల్ 2020 సీజన్ మరో మూడు రోజుల్లో ప్రారంభంకాబోతుండగా.. అప్పుడే పాయింట్ల పట్టిక గురించి చర్చ మొదలైపోయింది. యూఏఈ వేదికగా సెప్టెంబరు 19 నుంచి నవంబరు 10 వరకూ ఐపీఎల్ 2020 సీజన్ మ్యాచ్‌లు జరగనుండగా.. న్యూజిలాండ్ మాజీ క్రికెటర్ స్కాట్ స్ట్రైరిస్ టోర్నీ లీగ్ దశ ముగిసే సమయానికి పాయింట్ల పట్టిక ఇలా ఉండబోతుందంటూ ఓ ట్వీట్ చేశాడు. ఐపీఎల్ 2020 సీజన్‌లో 8 జట్లు పోటీపడుతుండగా.. లీగ్ దశలో ప్రతి జట్టూ మిగిలిన ఏడు జట్లతో రెండేసి మ్యాచ్‌లను ఆడనుంది. ఆఖరిగా పాయింట్ల పట్టికలో టాప్-4 లో నిలిచిన జట్లు ప్లేఆఫ్‌కి అర్హత సాధిస్తాయి.

స్టైరిస్ అంచనా వేసిన పాయింట్ల పట్టికలో నెం.1 స్థానంలో ఢిల్లీ క్యాపిటల్స్ ఉండగా.. 2. ముంబయి ఇండియన్స్, 3. కోల్‌కతా నైట్‌రైడర్స్, 4. చెన్నై సూపర్ కింగ్స్, 5. సన్‌రైజర్స్ హైదరాబాద్, 6. రాయల్ ఛాలెంజర్స్ బెంగళూరు, 7.కింగ్స్ ఎలెవన్ పంజాబ్, 8. ఉన్నాయి.

ఐపీఎల్ 2019 సీజన్‌ లీగ్ దశలో 14 మ్యాచ్‌లాడిన ముంబయి ఇండియన్స్, చెన్నై సూపర్ కింగ్స్, ఢిల్లీ క్యాపిటల్స్ టీమ్స్ 9 విజయాలతో టాప్-3లో నిలిచి ప్లేఆఫ్‌కి అర్హత సాధించగా.. ఆరు మ్యాచ్‌ల్లో మాత్రమే గెలుపొందిన సన్‌రైజర్స్ హైదరాబాద్ నెట్ రన్‌రేట్‌ సాయంతో నాలుగో స్థానంలో ప్లేఆఫ్‌కి చేరుకుంది. కోల్‌కతా, పంజాబ్ టీమ్స్ కూడా ఆరేసి మ్యాచ్‌ల్లో గెలుపొందగా.. రాజస్థాన్, బెంగళూరు మాత్రం ఐదు విజయాలతో పట్టికలో చివరి రెండు స్థానాల్లో నిలిచాయి.

ఐపీఎల్ 2019లో ప్లేఆఫ్‌కి చేరిన జట్లలో నుంచి సన్‌రైజర్స్ హైదరాబాద్‌ టీమ్‌ని తప్పించిన స్టైరిస్.. కోల్‌కతా నైట్‌రైడర్స్‌ని యాడ్ చేశాడు. ఇక బెంగళూరు టీమ్ 8 నుంచి ఆరుకి ఎగబాకగా.. రాజస్థాన్ టీమ్ చిట్టచివరి స్థానానికి పడిపోయింది. అయితే.. స్టైరిస్ పాయింట్ల పట్టిక అంచనాపై అన్ని టీమ్స్‌ మౌనంగా ఉండిపోగా.. రాజస్థాన్ రాయల్స్ మాత్రం.. ఈ ట్వీట్‌ని సేవ్ చేసుకుంటున్నట్లు రిప్లై ఇచ్చింది.