IPL సన్నాహకంగా కౌంటీల్లో ఆడనున్న ఇండియన్ క్రికెటర్

Share Icons:
ఈ ఏడాది ఐపీఎల్ సీజన్ కోసం భారత క్రికెటర్ సన్నాహకాలు చేస్తున్నాడు. ఈక్రమంలో మెగాటోర్నీకి ముందు టచ్‌లో ఉండటం కోసం జట్టు తరపున ఆడనున్నాడు. ఐపీల్ స్టార్ట్ కావడానికి ముందు కొద్ది మ్యాచ్‌లు ఆడతాడు. అలాగే ఐపీఎల్ అనంతరం కాస్త విరామం అనంతరం మళ్లీ కౌంటీల్లో అశ్విన్ బరిలోకి దిగుతాడు.

Read Also :
భారత లెజెండరీ క్రికెటర్ సచిన్ టెండూల్కర్ ప్రాతినిథ్యం వహించిన యార్క్‌షైర్ తరపున ఆడనుండటంపై అశ్విన్ ఆనందం వ్యక్తం చేస్తున్నాడు. 1992లో సచిన్ ఈ జట్టు తరపున ఆడి.. ఈ ఘనత సాధించిన తొలి విదేశీ ప్లేయర్‌గా నిలిచాడు. యార్క్‌షైర్‌కు బలమైన ఫ్యాన్‌బేస్ ఉందని, ఈ సీజన్‌లో ఆ జట్టుకు ఆడనుండటం చాలా ఆనందంగా ఉందని అశ్విన్ వ్యాఖ్యానించాడు. గత సీజన్‌లో తను నాటింగ్‌హామ్ తరపున ఆడాడు.

Read Also :
కౌంటీల్లో అశ్విన్‌కు మంచి రికార్డే ఉంది. ఐదు మ్యాచ్‌ల్లో బరిలోకి దిగి 34 వికెట్లు తీశాడు. అలాగే బ్యాట్‌తోనూ రాణించిన 37కుపైగా సగటుతో 300 పరుగులు సాధించాడు. అంతకుముందు సీజన్‌లో వర్సెస్టర్‌షైర్ తరపున ఆడిన 20 వికెట్లు తీయడంతోపాటు 42కు పైబడి సగటుతో పరుగులు సాధించాడు. ఒకప్పుడు భారత్‌కు మూడు ఫార్మాట్లలో ప్రాతినిథ్యం వహించిన అశ్విన్.. ప్రస్తుతం టెస్టులకు మాత్రమే పరిమితమయ్యాడు. వచ్చేనెలలో న్యూజిలాండ్ టూర్‌లో ఇండియా రెండు టెస్టులు ఆడనుంది. అనంతరం కౌంటీల్లో అశ్విన్ ఆడే అవకాశముంది. ఐపీఎల్ ముగిశాక మిగతా సీజన్‌‌కు తాను అందుబాటులో ఉంటాడని యార్క్‌షైర్ టీమ్ మేనేజ్‌మెంట్ తెలిపింది. ఇక గతేడాది ఐపీఎల్లో కింగ్స్ లెవన్ పంజాబ్‌కు కెప్టెన్‌గా వ్యవహరించిన అశ్విన్.. ఈ ఏడాది ఢిల్లీ క్యాపిటల్స్ తరపున బరిలోకి దిగనున్నాడు.

Read Also :