రెండో టీ20కి అంతా సిద్ధం

Share Icons:

మెల్‌బోర్న్, నవంబర్ 22:

ఆస్ట్రేలియాతో మెల్‌బోర్న్ వేదికగా శుక్రవారం రెండో టీ20 మ్యాచ్ ఆడేందుకు భారత్ జట్టు ఈరోజు అక్కడికి చేరుకుంది. బ్రిస్బేన్ వేదికగా గురువారం రాత్రి ముగిసిన మ్యాచ్‌లో 4 పరుగుల తేడాతో ఆతిథ్య జట్టు చేతిలో ఓడిన భారత్ జట్టు.. రెండో టీ20లో పుంజుకోవాలని ఆశిస్తోంది.

బ్యాటింగ్‌లో శిఖర్ ధావన్, దినేశ్ కార్తీక్‌ మాత్రమే రాణించగా.. బౌలింగ్‌లో కుల్దీప్ యాదవ్ మినహా అందరూ తేలిపోయారు. ఈ నేపథ్యంలో.. మెల్‌బోర్నీ టీ20లో ఆ తప్పిదాలు దిద్దుకోవాలని టీమిండియా భావిస్తోంది.  మధ్యాహ్నం 1.20 గంటలకి మ్యాచ్ ప్రారంభంకానుంది. రెండో టీ20 కోసం భారత్ తుది జట్టులోనూ మార్పులు చోటు చేసుకునే అవకాశాలు కనిపిస్తున్నాయి. ముఖ్యంగా.. తొలి టీ20లో 4 ఓవర్లు వేసి 55 పరుగులు సమర్పించుకున్న కృనాల్‌ పాండ్యాపై వేటు పడనుంది.

అతని స్థానంలో మణికట్టు స్పిన్నర్ చాహల్ తుది జట్టులోకి వచ్చే అవకాశం ఉంది. ఇక బ్యాటింగ్ ఆర్డర్‌లోనూ కేఎల్ రాహుల్‌పై వేటు పడే సూచనలు కనిపిస్తున్నాయి. అతను 12 బంతుల్లో కేవలం 13 పరుగులు చేసి పేలవంగా ఔటయ్యాడు. ఒకవేళ అతడ్ని తప్పిస్తే.. తుది జట్టులోకి మనీశ్ పాండే రావొచ్చు.

భారత టీ20 పూర్తి జట్టు: విరాట్ కోహ్లీ(కెప్టెన్), రోహిత్ శర్మ, శిఖర్ ధావన్, లోకేశ్ రాహుల్, శ్రేయాస్ అయ్యర్, మనీష్ పాండే, దినేష్ కార్తీక్, రిషబ్ పంత్ (వికెట్ కీపర్), కుల్దీప్ యాదవ్, యజ్వేంద్ర చాహల్, వాషింగ్టన్ సుందర్, కృనాల్ పాండ్య, భువనేశ్వర్ కుమార్, జస్‌ప్రీత్ బుమ్రా, ఉమేశ్ యాదవ్, ఖలీల్ అహ్మద్

మామాట: రెండోది అయిన గెలిచి సిరీస్ సమం చేస్తారా…

Leave a Reply