సిడ్ని టీ20 కోసం రెడీ..

Share Icons:

సిడ్నీ, నవంబర్ 24:

భారత్‌తో సిడ్నీ వేదికగా ఆదివారం జరగనున్న మూడో టీ20 కోసం ఫాస్ట్ బౌలర్‌ మిచెల్ స్టార్క్‌ని ఆస్ట్రేలియా అనూహ్యంగా ఈరోజు టీ20 జట్టులోకి ఎంపిక చేసింది. బ్రిస్బేన్ వేదికగా గత బుధవారం ముగిసిన తొలి టీ20 మ్యాచ్‌లో 4 పరుగుల తేడాతో ఆస్ట్రేలియా గెలుపొందగా.. మెల్‌బోర్న్ వేదికగా శుక్రవారం రాత్రి ముగిసిన రెండో టీ20 మ్యాచ్ వర్షం కారణంగా రద్దయిన విషయం తెలిసిందే.

ఈ నేపథ్యంలో.. రేపు జరగనున్న ఆఖరి టీ20లో గెలిచి మూడు టీ20ల సిరీస్‌ని 2-0తో చేజిక్కించుకోవాలని ఆతిథ్య జట్టు యోచిస్తోంది. రెండో టీ20కి ముందు వార్మప్ చేస్తుండగా ఫాస్ట్ బౌలర్ స్టాన్‌లేక్ గాయపడగా.. అతని స్థానంలో నిన్న మ్యాచ్‌ తుది జట్టులోకి కౌల్టర్‌నైల్‌ని ఆస్ట్రేలియా తీసుకుంది. అయితే.. గాయం తీవ్రత ఎక్కువగా ఉండటంతో స్టాన్‌లేక్ టీ20 సిరీస్ మొత్తానికి దూరమయ్యాడని ప్రకటించిన ఆసీస్.. ఈరోజు అతని స్థానంలో మిచెల్ స్టార్క్‌ని తీసుకుంటున్నట్లు వెల్లడించింది.

టెస్టులు, వన్డేల్లో సుదీర్ఘకాలంగా రెగ్యులర్‌గా ఆటగాడిగా కొనసాగుతున్న మిచెల్ స్టార్క్.. రెండేళ్ల నుంచి టీ20లకి దూరంగా ఉంటున్నాడు. అతను ఆఖరిగా 2016, సెప్టెంబరులో శ్రీలంకపై టీ20 మ్యాచ్ ఆడాడు. అయితే.. డిసెంబరు 6 నుంచి భారత్‌తో నాలుగు టెస్టుల సిరీస్‌ మొదలవనున్న నేపథ్యంలో.. స్టార్క్‌ లయ అందుకునేందుకు చివరి టీ20లో ఆసీస్ అవకాశమిస్తున్నట్లు తెలుస్తోంది.

మామాట: గెలిస్తే సిరీస్ సమం లేదా అర్పణం…

Leave a Reply