గగనతలంలోకి తొలి జీవ ఇంధన విమానం

Share Icons:
కొత్త ఢిల్లీ ఆగష్టు 27 ,
టర్బైన్‌ ఇంధనానికి బదులుగా జీవ ఇంధనం ఉపయోగించి స్పైస్‌జెట్‌ విమానాన్ని నేడు గాల్లోకి ఎగిరింది.  భారత్‌లో జీవ ఇంధనంతో నడిచే తొలి విమానం ఇది. దీనిని సోమవారం  ఉదయం డెహ్రాడూన్‌-ఢిల్లీ మధ్యలో విజయవంతంగా పరీక్షించారు. విపరీతంగా పెరిగిపోతున్న విమాన నిర్వహణ ఖర్చులను తగ్గించుకోవడంలో భాగంగా ఈ ప్రయోగాన్ని చేపట్టారు.పునరుత్పాదక వనరులైన వ్యవసాయ వ్యర్థాలు, నాన్‌ ఎడిబుల్‌ ఆయిల్స్‌, పారిశ్రామిక, పురపాలక వ్యర్థాల నుంచి జీవ ఇంధనాన్ని రూపొందిస్తారు. జీవ ఇంధనంతో విమానాలు మరింత సమర్థవంతంగా నడవడంతోపాటు విమాన ప్రయాణానికి మరింత స్వచ్ఛతను తీసుకువస్తాయని నిపుణులు పేర్కొంటున్నారు.
మరోవైపు టర్బైన్‌ ఇంధనం ఖర్చుతో పోల్చుకుంటే ఇది చవకగా లభించడంతో నిర్వహణ ఖర్చులు కూడా విమానయాన సంస్థలకు తగ్గనున్నాయి.ఈరోజు తొలిసారిగా వినియోగించిన జీవ ఇంధనాన్ని డెహ్రాడూన్‌కు చెందిన ఇండియన్‌ ఇనిస్టిట్యూట్‌ ఆఫ్‌ పెట్రోలియం సంస్థ రూపొందించింది. ఈ ఉదయం ఉత్తరాఖండ్‌ ముఖ్యమంత్రి త్రివేంద్ర సింగ్‌ రావత్‌ జెండా ఊపి లాంఛనంగా 72 సీట్ల సామర్థ్యం ఉన్న స్పైస్‌జెట్‌ విమానాన్ని ప్రారంభించారు. ఈ రోజు వినియోగించిన జీవ ఇంధన తయారీలో ఛత్తీస్‌గఢ్‌లోని 500 కుటుంబాలు భాగస్వామ్యం కావడం విశేషం.ఇప్పటికే అమెరికా, ఆస్ట్రేలియా లాంటి దేశాలు జీవ ఇంధనంతో నడిచే కమర్షియల్‌ విమానాలను నడుపుతున్నాయి. భవిష్యత్‌లో భారత్‌ ఆ దేశల సరసన చేరనుంది.
మామాట: మంచి ప్రయత్నం.. సహజవనరుల రక్ష

Leave a Reply