EPFO కొత్త రూల్స్.. ఇలా చేస్తే 3 రోజుల్లోనే అకౌంట్‌లోకి పీఎఫ్ డబ్బులు!

Share Icons:
మీకు పీఎఫ్ అకౌంట్ ఉందా? అయితే మీకు శుభవార్త. మోదీ సర్కార్ తాజాగా పీఎఫ్ విత్‌డ్రా రూల్స్‌ను సవరించింది. కరోనా వైరస్ కారణంగా ఎంప్లాయీస్ ప్రావిడెంట్ ఫండ్ (ఈపీఎఫ్) స్కీమ్ రూల్స్‌ను మార్చింది. దీంతో ఇప్పుడు పీఎఫ్ సబ్‌స్క్రైబర్లు నాన్ రిఫండబుల్ అడ్వాన్స్‌ మొత్తాన్ని సులభంగానే విత్‌డ్రా చేసుకోవచ్చు. అది కూడా 3 రోజుల్లోనే పీఎఫ్ మొత్తం మీ అకౌంట్‌కు వచ్చేస్తుంది.

ఈపీఎఫ్‌వో ఇప్పటికే ఫీల్డ్ ఆఫీస్‌లకు ఈ అంశానికి సంబంధించి ఆదేశాలు జారీ చేసింది. పీఎఫ్ విత్‌డ్రాయెల్స్‌కు సంబంధించిన ఏ అప్లికేషన్‌‌ను అయినా వెంటనే ప్రాసెస్ చేయాలని తెలిపింది. కోవిడ్ 19 నేపథ్యంలో నెలకొన్ని లాక్ డౌన్ పరిస్థితుల వల్ల ఇబ్బందులు ఎదుర్కొంటున్న వారికి ఈ డబ్బులు ఉపయోగపడొచ్చని వివరించింది.

Also Read:

పీఎఫ్ కొత్త రూల్స్ ప్రకారం.. ఈపీఎఫ్ అమౌంట్‌లో 75 శాతం వరకు మొత్తాన్ని ఒకేసారి వెనక్కి తీసుకోవచ్చు. లేదంటే మూడు నెలల బేసిక్ వేతనం, డీఏ‌ను కలిపి విత్‌డ్రా చేసుకోవచ్చని ఈపీఎఫ్‌వో తెలిపింది. అయితే ఇక్కడ ఒక విషయాన్ని గుర్తు పెట్టుకోవాలి. సాధారణంగా పీఎఫ్ డబ్బులు ముందుగానే విత్‌డ్రా చేసుకోవాలంటే ఏదో ఒక కారణం చెప్పాలి. ఈ కారణం పీఎఫ్ రూల్స్‌కు అనువుగా ఉండాలి. అప్పుడు మీ కారణం ప్రాతిపదికన మీకు వచ్చే అమౌంట్ డిసైడ్ అవుతుంది.

Also Read:

కానీ ఇప్పుడు మీరు ఇంటి నిర్మాణం, కొత్త ఇల్లు కొనుగోలు, వైద్యం, పిల్లల చదువు, పెళ్లి వంటి కారణాలు తెలియజేయాల్సిన అవసరం లేదు. నేరుగా పీఎఫ్ డబ్బులు తీసుకోవచ్చు. 75 శాతం వరకు విత్‌డ్రా చేసుకోవచ్చు. కరోనా లాక్‌డౌన్ పరిస్థితులు ఇందుకు కారణం. కేంద్ర ప్రభుత్వపు కొత్త రూల్స్‌ మార్చి 28 నుంచే అమలులోకి వచ్చాయి. దీంతో ఇప్పుడు ఈపీఎఫ్ సబ్‌స్క్రైబర్లు డబ్బులు అవసరం అనుకుంటే పీఎఫ్ డబ్బులను సులభంగానే విత్‌డ్రా చేసుకోవచ్చు. వేగంగానే పీఎఫ్ డబ్బులు మీ అకౌంట్‌కు వచ్చేస్తాయి.