Bharadwaj: ‘బంధం’ ఫేమ్ భరద్వాజ్‌కి కరోనా పాజిటివ్.. భయపడొద్దు అంటూ విషయాన్ని బయటపెట్టిన యాక్టర్

Share Icons:
ప్రపంచాన్ని గడగడలాడిస్తున్న మహమ్మారి మన దేశంలో కూడా ఉదృతంగా వ్యాపిస్తోంది. ప్రతి రోజు వేలల్లో కొత్త కేసులు నమోదుకావడం ఆందోళనకు గురిచేస్తోంది. పేద- ధనిక, సాధారణ- సెలబ్రిటీ అనే తేడాలేకుండా అందరినీ ఈ మహమ్మారి కాటేస్తోంది.
అయితే ఇప్పటికే కొందరు సీరియల్ నటులకు కరోనా సోకగా.. తాజాగా మరో కరోనా బారిన పడ్డారని తెలియడం కంగారు పుట్టిస్తోంది.

”స్వాతి చినుకులు, బంధం” సీరియల్స్‌తో బుల్లితెర ప్రేక్షకులకు దగ్గరైన కరోనా టెస్టులు చేయించుకోగా పాజిటివ్ అని వచ్చింది. ఈ విషయాన్ని స్వయంగా ఆయనే తన సోషల్ మీడియా ఖాతా ద్వారా వెల్లడించాడు. ఈ మేరకు ఓ వీడియో ద్వారా కరోనా పట్ల తన అభిప్రాయం తెలిపారు.

”నాకు జలుబు గానీ, దగ్గు గానీ, జ్వరం గానీ ఎలాంటి లక్షణాలు లేకుండానే కరోనా టెస్ట్ చేయించుకుంటే పాజిటివ్ అని వచ్చింది. నాతో పాటు వర్క్ చేసిన బంధం టీం, స్వాతి చినుకులు టీం అందరూ టెస్ట్ చేయించుకోండి. ఇది ఎందుకొచ్చింది? ఎక్కడి నుంచి వచ్చింది అనే దానికి నేను సమాధానం చెప్పలేను. కానీ కరోనా వచ్చిందని చెప్పాల్సిందే తప్ప దాచుకోవాల్సిన విషయం కాదు.

Also Read:
కరోనా వచ్చిందని చెబితే చుట్టుపక్కల వారు ఏమనుకుంటారు.. చెప్తే ఏమవుతుందో అనే ఆలోచనలు మానుకోండి. కాబట్టి ప్రతి ఒక్కరూ టెస్ట్ చేయించుకోండి. భయపడొద్దు.. ఎలాంటి సమస్య రాదు. డాక్టర్లు చెప్పిన సూచనలతో టైంకి పౌష్టిక ఆహారం తీసుకుంటే ప్రమాదం ఉండదు. కరోనా వచ్చిన వారిని దయచేసి పానిక్ చేయకండి. మీ అందరి బ్లెస్సింగ్స్ ఉంటాయని ఆశిస్తున్నా” అని అన్నారు భరద్వాజ్.