Anushka Sharma: గర్భాన్ని చూస్తూ మురిసిపోతున్న అనుష్క.. భార్య ఫీలింగ్స్‌పై కోహ్లీ రియాక్షన్ చూస్తే!!

Share Icons:
సెలబ్రిటీ కపుల్స్‌లో విరాట్ కోహ్లీ- జోడీకి ఉన్న క్రేజే వేరు. విరుష్కగా పిలుచుకునే ఈ జంట ఎందరో సినీ, క్రీడాభిమానుల ఫేవరెట్ జోడీ. ఖాళీ సమయం దొరికితే చాలు బీచ్‌లు, విదేశాలంటూ తెగ షికార్లు కొట్టే ఈ జంట సోషల్ మీడియాలో యాక్టివ్‌గా ఉంటూ ఎప్పటికప్పుడు ఆ ఫోటోలను షేర్ చేస్తూ అభిమానులను హుషారెత్తిస్తుంటారు. ప్రస్తుతం ఈ యువ దంపతులు ఫుల్ ఖుషీలో ఉన్నారు. ఎందుకో మీ అందరికీ తెలుసు. అదేనండీ.. వాళ్లిద్దరూ ముగ్గురు కాబోతున్నారుగా. ఈ విషయం తెలిసి యావత్ సినీ, క్రీడాభిమానులు ఉబ్బితబ్బిబ్బయ్యారు.

తాము తల్లిదండ్రులం కాబోతున్న విషయాన్ని ఇటు అనుష్క శర్మ, అటు ఇద్దరూ ప్రత్యేకంగా ప్రకటిస్తూ ఇటీవలే తమ తమ అభిమానుల్లో ఆనందం నింపారు. అనుష్క ప్రెగ్నెంట్ అంటూ గత కొన్ని నెలలుగా వస్తున్న వార్తలను నిజం చేస్తూ ”2021 జనవరి నెలలో మేమిద్దరం ముగ్గురం కాబోతున్నాం” అని అఫీషియల్‌గా చెప్పేశారు. దీంతో మా విరుష్క జోడీ బుల్లి విరాట్‌ని పరిచయం చేయబోతున్నారని కొందరంటుంటే.. లేదు లేదు చిన్ని అనుష్క ఈ ప్రపంచంలో అడుగుపెట్టబోతోందని ఇంకొందరు పేర్కొంటున్నారు.

Also Read:
మొత్తానికైతే ఈ లాక్‌డౌన్ విరామ సమయంలో గుడ్ న్యూస్ చెప్పి సర్‌ప్రైజ్ చేసింది విరుష్క జోడీ. ఈ నేపథ్యంలో తాజాగా తన గర్భాన్ని చూస్తూ మురిసిపోతున్న మరో పిక్ షేర్ చేస్తూ.. ”మన శరీరంలో ఇంకో జీవితానికి ప్రాణం పోయడం అద్భుతం, ఈ ప్రపంచంలో ఇంతకంటే మధురమైంది మరొకటి లేదు” అని పేర్కొంటూ మాతృత్వ గొప్పతనాన్ని తెలిపింది అనుష్క శర్మ. ఇక తన భార్య ఫీలింగ్స్‌ చూసి రియాక్ట్ అయిన విరాట్ కోహ్లీ.. ”నా సర్వస్వం, నా ప్రపంచం మొత్తం ఒక్క ఫ్రేమ్‌లో కనిపిస్తోంది” అంటూ సంతోషాన్ని వ్యక్తం చేశారు. వీరిద్దరి ఈ సందేశాలు చూసి విరుష్క అభిమాన వర్గం తెగ సంబరపడిపోతోంది.

బాలీవుడ్‌లో పలు సినిమాల్లో నటించి స్టార్ హీరోయిన్‌గా ఎదిగిన అనుష్క శర్మ చివరగా ‘జీరో’ సినిమాలో నటించింది. ఆ తర్వాత మరే సినిమాలోనూ కనిపించలేదు. నిర్మాతగా మారి పలు వెబ్ సిరీస్‌లు నిర్మించింది. ఇకపోతే ప్రభాస్ లేటెస్ట్ మూవీ ‘ఆదిపురుష్’లో హీరోయిన్‌గా ఈ అమ్మడి పేరే వినిపిస్తుండటం విశేషం.