Anurag Kashyap: అవును చాలామంది మహిళలతో ప్రైవేట్ మీట్..! పాయల్ లైంగిక ఆరోపణలపై అనురాగ్ షాకింగ్ రియాక్షన్

Share Icons:
అసలే డ్రగ్స్ కలకలంతో వణికిపోతున్న బీ టౌన్ వర్గాలను ఓ కుదుపు కుదిపేస్తూ సంచలన విషయాలు బయటపెట్టింది యంగ్ హీరోయిన్ పాయల్ ఘోష్. తనను డైరెక్టర్ లైంగికంగా వేధించాడని, రూమ్‌కి తీసుకెళ్లి బ్లూ ఫిలిమ్స్ చూపించాడని షాకింగ్ కామెంట్స్ చేసింది. అంతటితో ఆగక.. చాలామంది హీరోయిన్స్‌తో ఇలా గడిపినట్లు అనురాగ్ కశ్యప్ తనతో చెప్పాడంటూ బాంబు పేల్చింది. దీంతో ఈ ఇష్యూ సినీ సర్కిల్స్‌లో హాట్ టాపిక్ అయింది. ఈ నేపథ్యంలో తాజాగా అనురాగ్ కశ్యప్ స్పందిస్తూ ఆరోపణలను ఖండించారు.

ఈ ఇష్యూపై ట్విట్టర్‌ వేదికగా స్పందించిన అనురాగ్ కశ్యప్ వరుస ట్వీట్స్ చేస్తూ పాయల్ తీరును తప్పుబట్టారు. ”చాలా కాలం మౌనంగా ఉండి ఇప్పుడు మాట్లాడుతున్నారు. బాగానే ఉంది కానీ.. నువ్వో అమ్మాయివి అయిఉండి ఇతర మహిళలను ఈ వివాదంలోకి లాగి తప్పుచేశావు. దేనికైనా కొంత పరిమితి అనేది ఉంటుంది. నువ్వు నాపై చేసిన ఆరోపణలన్నీ నిరాధారమైనవి” అని పేర్కొంటూ పాయల్ తీరుపై ఫైర్ అయ్యారు డైరెక్టర్ అనురాగ్ కశ్యప్.

Also Read:
”నా మీద ఆరోపణలు గుప్పించే క్రమంలో నాతో పనిచేసిన నటీమణులను, బచ్చన్‌ ఫ్యామిలీని కూడా ఇందులోకి లాగడం విడ్డూరంగా ఉంది. మేడమ్ నేను రెండుసార్లు పెళ్లి చేసుకున్నాను. అది నా నేరం అయితే నేను అంగీకరిస్తాను. దాన్ని ప్రేమిస్తాను కూడా. మీరు చేసే ఆరోపణల్లో కూడా నేరం నాదైతేనే నేను ఖచ్చితంగా అంగీకరిస్తాను. నా మొదటి భార్య, రెండో భార్య, నా ప్రేయసి కావచ్చు లేదా నాతో పనిచేసిన నటీమణులు కావచ్చు.. అందరిపై మీరు ఆరోపణలు చేశారు. మీ ప్రవర్తన భరించరానిది” అని అనురాగ్ పేర్కొన్నారు.

నేను ఇప్పటిదాకా పనిచేసిన వారిలో మహిళా టెక్నీషియన్స్ చాలామంది ఉన్నారు. వాళ్లందరితో ఎన్నోసార్లు ప్రైవేట్‌గా మీట్ అయ్యా. కానీ నా పరిధి దాటి ప్రవర్తించలేదు. ఇప్పుడు అందరిపై మీరు చేస్తున్న ఆరోపణలు అస్సలు సహించలేను. మీ ఇంగ్లీషు ఆరోపణలకు నేను హిందీలో సమాధానమిచ్చినందుకు సారీ అంటూ పాయల్‌పై అనురాగ్ కశ్యప్ విరుచుకు పడ్డారు.