TRENDING NOW

ఒకవైపు అమెరికా…మరో వైపు చైనా, రష్యా వ్యూహాత్మకంగా  భారత్

ఒకవైపు అమెరికా…మరో వైపు చైనా, రష్యా  వ్యూహాత్మకంగా  భారత్

 కొత్త ఢిల్లీ, డిసెంబర్02,

కేంద్రంలో మోదీ సర్కారు అధికారంలోకి వచ్చాక విదేశాంగ విధానంలో మార్పు స్పష్టంగా గమనించొచ్చు. గతంతో పోలిస్తే.. నాలుగేళ్లుగా విదేశీ వ్యవహారాల్లో భారత్ దూకుడుగా ముందుకెళ్తోంది. ఇటీవల చైనా దూకుడును అడ్డుకోవడం కోసం మన దేశం అమెరికాకు దగ్గరైన సంగతి తెలిసిందే. ఈ క్రమంలోనే చిరకాల మిత్ర దేశం రష్యాకు కూడా మనం కాస్త దూరం కావాల్సి వచ్చింది. కానీ మోదీ సర్కారు అనుసరిస్తోన్న వ్యూహాత్మక విదేశాంగ విధానం కారణంగా.. చైనా, రష్యాలకు భారత్ తిరిగి స్నేహ హస్తం అందించింది. అర్జెంటీనాలో జరుగుతోన్న జీ20 సదస్సు సందర్భంగా.. చైనా అధ్యక్షుడు జిన్‌పింగ్, రష్యా ప్రెసిడెంట్ పుతిన్‌తో మోదీ భేటీ అయ్యారు.

ఈ మూడు దేశాలు 12 ఏళ్ల క్రితం తొలిసారి సమావేశం కాగా.. మళ్లీ ఇన్నాళ్ల తర్వాత రెండో దఫా భేటీ అయ్యాయి. భారత్, చైనా మధ్య ఇటీవల సంబంధాలు మెరుగుపడటాన్ని ఈ సమావేశం సూచికగా భావించొచ్చు. బ్రిక్స్ దేశాలుగా చలామణి అవుతోన్న బ్రెజిల్, రష్యా, భారత్‌, చైనా, దక్షిణాఫ్రికాలు ఏటా సమావేశం అవుతూ పరస్పరం సహకరించుకుంటున్న సంగతి తెలిసిందే. జీ20 సదస్సు సందర్భంగానే.. జపాన్ ప్రధాని షింజో అబే, అమెరికా అధ్యక్షుడు డొనాల్డ్ ట్రంప్‌తోనూ మోదీ భేటీ అయ్యారు. మూడు దేశాల కలయికను జై (JAI)గా మోదీ అభివర్ణించారు. జీ20లో భాగంగా ఈ మూడు దేశాలు విడిగా సమావేశం కావడం ఇదే తొలిసారి కావడం గమనార్హం.

ఈ భేటీ సందర్భంగా ఆసియా-ఫసిఫిక్ ప్రాంతంలో సహకారం గురించి మూడు దేశాల అధినేతలు చర్చించారు. జపాన్, అమెరికాలను వ్యూహాత్మక భాగస్వాములుగా మోదీ అభివర్ణించారు. అమెరికాతో దోస్తీ చేస్తూ.. అదే సమయంలో దానితో ఏ మాత్రం పొసగని చైనా, రష్యాలతోనూ భారత్ స్నేహం చేస్తోంది. అభివృద్ధిలో వేగంగా ముందుకెళ్తున్న భారత్‌తో కలిసి సాగడానికి ప్రపంచ దేశాలకు అనివార్యంగా మారిందని మోదీతో ప్రపంచాధినేతల భేటీ ద్వారా స్పష్టమవుతోంది.

మామాట: విదేశీ విధానానికి పదునుపెడుతున్న మోదీ

 

(Visited 22 times)

Leave a Reply

Your email address will not be published. Required fields are marked *

Menu
%d bloggers like this: