Aadhi Pinisetty: హీరోయిన్‌తో ఆది పినిశెట్టి డేటింగ్.. సీక్రెట్‌గా పెళ్లికి రెడీ అయిన యువ జోడీ!!

Share Icons:
తెలుగు చిత్రసీమలో ఈ ఏడాది నటీనటుల పెళ్లి వార్తలు ఎక్కువగానే చూస్తున్నాం. ఇప్పటికే యంగ్ హీరోలు నిఖిల్, నితిన్ పెళ్లి చేసుకొని ఇంటి వాళ్ళు కాగా దగ్గుబాటి రానా, కొణిదెల నిహారిక పెళ్ళికి సిద్ధంగా ఉన్నారు. అయితే తాజాగా ఫిలింనగర్ సర్కిల్స్‌లో వినిపిస్తున్న సమాచారం మేరకు వారి బాటలోనే మరో యంగ్ హీరో కూడా నడుస్తున్నారని తెలుస్తోంది. ఇంతకాలం తాను డేటింగ్ చేసిన హీరోయిన్‌నే తన సతీమణిగా పొందేందుకు సిద్ధమయ్యారని సమాచారం.

Also Read:
కోలీవుడ్, టాలీవుడ్ ఇండస్ట్రీలో విల‌క్ష‌ణ నటుడిగా తనకంటూ ప్రత్యేక గుర్తింపు తెచ్చుకున్నారు ఆది పినిశెట్టి. గ‌త కొంతకాలంగా హీరోయిన్ నిక్కీ గ‌ల్రానితో ఆయన డేటింగ్‌లో ఉన్నట్లు కోలీవుడ్‌లో వార్త‌లు వినిపించాయి. కానీ ఆ వార్త‌ల‌పై ఆది స్పందించలేదు. ఈ క్రమంలో లేటెస్ట్ సమాచారం ప్రకారం ఆమెనే వివాహం చేసుకునేందుకు ఆయన రెడీ అయ్యారని తెలుస్తోంది. ప్ర‌ముఖ హీరోయిన్ సంజ‌న సోద‌రినే నిక్కీ గ‌ల్రానీ. ఆమె తెలుగు, తమిళం, మలయాళ భాషల్లో పలు సినిమాల్లో నటించి గుర్తింపు పొందింది.

ఆది పినిశెట్టి, నిక్కీ గ‌ల్రానీ కలిసి `మలుపు`, `మరకతమణి` చిత్రాల్లో నటించారు. ఈ క్రమంలోనే వీరిద్దరి మధ్య ప్రేమ చిగురించి కొంతకాలం డేటింగ్ చేసినట్లు చెప్పుకుంటున్నారు. ఇటీవల ఆది పినిశెట్టి తండ్రి రవిరాజా పినిశెట్టి బర్త్‌డే వేడుకల్లో కూడా నిక్కీ కనిపించడంతో వీరిద్దరి మధ్య రిలేషన్ నడుస్తుందనే వార్తలకు బలం చేకూరింది. ఇకపోతే తమ ప్రేమ వ్యవహారాన్ని ఇన్నాళ్లు సీక్రెట్‌గా ఉంచిన ఈ జోడీ లాక్‌డౌన్ ఫినిష్ కాగానే పెళ్లి బంధంతో అఫీషియల్‌ చేయాలని చూస్తున్నట్లు కోలీవుడ్ టాక్.