Views:
5

వెండితెర హీరో, హీరోయిన్లు మామా కోడలు కానున్నారు. వారెవరో ఇప్పటికే అర్థమైపోయివుంటుంది. టాలీవుడ్ అగ్ర హీరోయిన్ సమంత త్వరలోనే అక్కినేని ఇంటికి కోడలుగా వెళ్లనుంది. అక్కినేని నాగార్జున పెద్ద కుమారుడు అక్కినేని నాగచైతన్యను సమంత పెళ్లి చేసుకోనుంది. ఈ పెళ్లి కూడా త్వరలోనే జరుగనుంది. ఇదిలావుంటే, నాగ చైతన్య కొత్త చిత్రం ‘రారాండోయ్‌.. వేడుక చూద్దాం’. ఈ చిత్రం ట్రైలర్‌ తాజాగా విడుదలైంది. ఈ ట్రైలర్‌ సమంతకు బాగా నచ్చేసింది. ట్రైలర్‌లో చైతూ ఇంకా నచ్చేశాడు.
ఈ సంతోషంలో కాబోయే మామగారు, చిత్రనిర్మాత నాగార్జునకు “ఐ లవ్‌ ద ట్రైలర్‌. లవ్‌ మామా… ఇట్స్‌ ఆల్‌ వర్కింగ్‌. హీ ఈజ్‌ లుకింగ్‌ సూపర్‌. ఐయామ్‌ సో హ్యాపీ” అంటూ తన వాట్సాప్‌లో మెస్సేజ్‌ చేశారామె. దీనికి వెంటనే నాగార్జున స్పందిస్తూ… ‘కంగ్రాట్స్‌ కోడలా’ అంటూ తన సంతోషాన్ని పంచుకున్నారు. వాట్సాప్‌లో జరిగిన ఈ చాటింగ్‌ను నాగార్జున ట్విట్టర్‌లో పెట్టారు. మామా కోడళ్ల ముచ్చట చూస్తే భలే మురిపెంగా ఉంది కదూ!

Leave a Reply

Your email address will not be published. Required fields are marked *