హేమా మాలినికి కరోనా.. క్లారిటీ ఇచ్చిన అలనాటి హీరోయిన్

Share Icons:
బాలీవుడ్‌లో ప్రస్తుతం కరోనా కలకలం రేపుతోంది. ప్రముఖ నటులంతా వైరస్ బారిన పడుతున్నారు. తాజాగా ప్రముఖ నటి ఆరోగ్యంపై కూడా పుకార్లు వినిపించాయి. ఆమె కూడా కరోనా బారిన పడ్డారని సోషల్ మీడియాలో వార్తలు హల్ చల్ చేశాయి. హేమా మాలిని.. ఏదో జనరల్ చెకప్ కోసం హాస్పిత్రిలో జాయిన్ కావడంతో ఆమెకు కరోనా పాజిటివ్ అనే రూమర్స్ వ్యాప్తి చెందాయి. దీంతో ఈ వార్తలపై హేమా మాలిని స్వయంగా స్పందించారు. ఇనస్టా వేదికగా ఆమె ఓ వీడియో విడుదల చేశారు.

అభిమానులు, సన్నిహితుల నుంచి ఒకటే ఫోన్లు. ఈ బాధ తట్టుకోలేక చివరికి ‘నేను పూర్తి ఆరోగ్యంగా ఉన్నాను’ అంటూ ఇన్‌స్టాగ్రామ్‌‌ వేదికగా ప్రకటన చేశారు హేమ మాలిని. ‘నేను ఆస్పత్రిలో చికిత్స పొందుతున్నట్టుగా వార్తలు వస్తోన్న విషయం నా దృష్టికి వచ్చింది. ఈ నేపథ్యంలో నా అభిమానులు, నా మంచి కోరే వారికి ఓ విషయం తెలియజేయాలనుకున్నాను. అవన్నీ రూమర్స్‌. నాకు ఏమీ కాలేదు. చాలా ఆరోగ్యంగా ఉన్నాను. దేవుడి దయతో అంతా బాగానే ఉంది’ అంటూ ఓ వీడియోను షేర్ చేశారు హేమ మాలిని. మరోవైపు హేమా మాలిని కూతురు ఈషా డియోల్ స్పందించింది. ఒంట్లో నలతగా ఉండటంతో అమ్మ హాస్పిటల్‌లో జాయిన్ అయింది. ఆమెకు కరోనా సోకలేదని క్లారిటీ ఇచ్చింది. అంతేకాదు తమ కుటుంబంపై చూపిస్తోన్న ప్రేమకు అభిమానులకు, నెటిజన్లకు కృతజ్ఞతలు తెలిపింది.

Read More:

మరోవైపు ఇప్పటికే బాలీవుడ్‌లో బచ్చన్ ఫ్యామిలీలో జయాబచ్చన్ మినహా అంతా కరోనా బారిన పడ్డారు. అభిషేక్, అమితాబ్ బచ్చన్ కరోనాతో నానావతి ఆస్పత్రిలో చికిత్స పొందుతున్నారు. ఐశ్వర్య రాయ్, ఆరాధ్యకు కూడా కరోనా సోకింది. దీంతో వారిద్దరు ఇంటి వద్ద ఉంటూ చికిత్స పొందుతున్నారు. అటు విలక్షణ నటుడు అనుపమ్ ఖేర్ కుటుంబానికి కూడా కరోనా వైరస్ సోకింది.