స్మశానంలో పడుకుందామని చూశా.. తొంగి చూసి ఆశ్చర్యపోయా.. బాబోయ్! పూరి జగన్నాథ్‌‌లో ఇన్ని కోణాలా?

Share Icons:
డాషింగ్ డైరెక్టర్ పూరి జగన్నాథ్ అంటేనే ఓ సెన్సేషన్. ట్రెండ్‌ని క్యాచ్ చేస్తూ సినిమాలు రూపొందించడం, ప్రేక్షకుల గుండెల్లో గుణపాల్లాంటి డైలాగ్స్ దింపుతూ ఆకర్షించడం ఒక్క పూరీకే చెల్లుతుందని చెప్పడంలో అతిశయోక్తి లేదు. ఇటీవలే ఇస్మార్ట్ శంకర్ సినిమాతో భారీ హిట్ హిట్ అందుకున్న ఆయన ప్రస్తుతం పడిలేచిన కెరటంలా ఎగిసెగిసి పడుతున్నారు. లాక్‌డౌన్ సమయాన్ని సద్వినియోగం చేసుకుంటూ ప్రేక్షకులకు కొత్త కొత్త విషయాలు చెబుతూ తనదైన స్టైల్ మోటివేషన్ ఇస్తున్నారు. ఈ క్రమంలోనే తాజాగా , సమాధులు అంటూ ఆయన చెప్పిన కొన్ని విషయాలు ఆసక్తి రేకెత్తిస్తున్నాయి.

తాజాగా గ్రేవ్ యార్డ్స్ పేరుతో పూరి విడుదల చేసిన ఆడియోలో మాట్లాడుతూ.. ”ఒక ఊళ్ళో ముసలాడున్నాడు. వాడి పేరు అన్ బిలివ‌బుల్‌. వాడు చ‌నిపోతూ పెళ్ళాన్ని పిలిచి మా నాన్న ఎందుకు పెట్టాడో ఈ పేరు అన్ బిలివ‌బుల్ అని. జీవితాతం వినీ వినీ చిరాకొచ్చింది. అంద‌రూ జోకులేయడమే నా మీద. ద‌య‌చేసి నా స‌మాధి మీద మాత్రం నా పేరు రాయొద్దు. లేకపోతే ప్రతి ఒక్కడూ వచ్చి అన్ బిలివ‌బుల్‌ అని నవ్వుతారు. అది నేను తట్టుకోలేను అని చెప్పాడు. పాపం ముసల్ది మొగుడు చెప్పినట్లే అతని సమాధిపై పేరు రాయలేదు కానీ తన మనసులో మాట ఆ గ్రేవ్ మీద రాసింది. ‘నా మొగుడు బంగారం. న‌న్ను త‌ప్ప మ‌రో ఆడ‌దాన్ని క‌న్నెత్తి కూడా చూడ‌లేదు’ అని రాసింది.

Also Read:
దీంతో ఆ రోజు నుంచి ప్ర‌తి ఒక్క‌రూ వ‌చ్చి అది చ‌దివి అన్ బిలివ‌బుల్ అని న‌వ్వుకుంటూ వెళ్లిపోవటం. దాంతో అన్ బిలివ‌బుల్ గాడి ఆత్మకు శాంతి లేకుండా పోయింది. చచ్చిపొతే శ‌వాన్ని పాతిపెట్ట‌డం నేర్చుకున్నది ల‌క్ష సంవ‌త్స‌రాల క్రితం మొదలైంది. అప్పటి నుంచి గ్రేవ్ యార్డ్స్ మొద‌ల‌య్యాయి. ఓల్డెస్ట్ గ్రేవ్‌యార్డ్ మొరాకోలో ఉంది. దాని వ‌య‌సు ప‌దిహేను వేల సంవ‌త్స‌రాలు. దీన్నే సిమెట్రి అని కూడా అంటాం. సిమెట్రి అంటే స్లీపింగ్ ప్లేస్ అని అర్థం. క‌ఫిన్ బాక్స్ అంటే మినిమం ఆర‌డుగుల గొయ్యి త‌వ్వాల‌నే రూల్ పెట్టారు. ఎందుకంటే పూర్వం ప్లేగులాంటి వ్యాధులతో చనిపోయేవారు. ఆ వ్యాధి ప్ర‌బ‌ల‌కుండా ఉండాల‌ని ఆరడుగుల నియ‌మాన్ని పెట్టుకున్నారు.

ఈ గ్రేవ్ మీద రాసే రాతలను ఎపిటాప్స్ అంటారు. యూర‌ప్‌లో ప్ర‌తి శ్మ‌శానం వ‌ద్ద ఓ ఆఫీస్ ఉంటుంది. ముస‌లాళ్లంద‌రూ అక్క‌డకెళ్లి ప్యాకేజీ తీసుకుంటారు. అదేంటంటే.. వాళ్ళు చనిపోతే వాళ్ళను ఎలాంటి కఫిన్‌లో పాతిపెట్టాలి. ఆ డిజైన్ సెలెక్ట్ చేసుకుంటారు. అంతే కాకుండా వారి ఫ్రెండ్స్ అంద‌రి పేర్లు, ఫోన్ నెంబ‌ర్స్ ఇచ్చి.. త‌ను చ‌నిపోయినాక త‌ర్వాత స్నేహితులంద‌రినీ పిలిచి ఆల్క‌హాల్‌తో స‌హా ఎంత పెద్ద పార్టీ ఇవ్వాలో చెబుతూ పేమెంట్ చేస్తారు. నేను ఓ రోజు ఆ గ్రేవ్ యార్డ్ ఆఫీసులో కూర్చోగా ఒక ముస‌లి దంప‌తులు వ‌చ్చి న‌వ్వుతూ అక్క‌డే ఉండి అన్నీ సెల‌క్ట్ చేసుకుని వెళ్లారు. నాకెంతో ముచ్చ‌టేసింది.

Also Read:
చావు గురించి ఆలోచించ‌డం ఎంతో అశుభంగా ఫీల్ అవుతాం మనం. వాళ్లేమో జీవితాన్ని విజిటింగ్‌.. సెండాఫ్‌గా చూస్తారు. నేను స్పెయిన్‌, పోర్చుగ‌ల్‌లో పెద్ద పెద్ద గ్రేవ్ యార్డ్స్‌ను చూశాను. ఆ ప్ర‌దేశాలు ఎంత అందంగా ఉంటాయంటే అక్క‌డే కూర్చోవాల‌నిపిస్తుంది. రెండు గ్రేవ్ యార్డ్స్‌లో రాత్రి ప‌డుకోవ‌డానికి ట్రై చేశాను. కానీ వాళ్లు నాకు ప‌ర్మిష‌న్ ఇవ్వ‌లేదు. అక్కడి స‌మాధుల‌పై రాసిన రాతలు చాలా ఇంట్రెస్టింగ్‌గా ఉంటాయి. ఓ స‌మాధిపై బై అని, మ‌రోదానిపై సీ యు సూన్ అని ఉంటాయి. ఓ స‌మాధిపై వాళ్ళ పిల్లలు రాశారు ‘నువ్వు భ‌ర్త‌, తండ్రివి.. కానీ బ్యాడ్ ఎల‌క్రిషియ‌న్‌వి’ అని.

ఒకడేమో తన స‌మాధిపై రాశాడు ‘నాకు తెలుసు ఇలా జరుగుద్ది అని’. అన్నింటికంటే హైదరాబాద్‌లోని ఓ క్రిస్ట్రియ‌న్ శ‌శ్మానంలో రాసిన ఎపిటాప్ నాకు బాగా నచ్చింది. ఏమీ రాసుందో అని తొంగి చూశాను. దానిపై ‘నేనూ ఒక‌ప్పుడు స‌మాధుల వైపు ఇలా తొంగి చూసేవాడిని’ అని. వాడెవడో నాకు తెలియదు గానీ ఐ లవ్ థట్ గై” అన్నారు పూరి జగన్నాథ్.