సోనూసూద్ బాటలో తాప్సీ.. ఇంటర్‌లో 94 శాతం మార్కులొచ్చిన అమ్మాయికి సర్‌ప్రైజ్ గిఫ్ట్

Share Icons:
ఎవరికైనా ఆపద వస్తే దేవుణ్ని తలుచుకుంటారు. కానీ లాక్‌డౌన్ మొదలైనప్పటి నుంచి మాత్రం వలస కార్మికులు, పేదలు, విదేశాల్లో చిక్కుకుపోయిన వారు సోనూసూద్‌ను అంత కంటే ఎక్కువగా తలుచుకుంటున్నారు. మదనపల్లె రైతుకు ట్రాక్టర్ పంపడం, కూరగాయలు అమ్ముకుంటున్న సాఫ్ట్‌వేర్ ఇంజినీర్‌కు ఉద్యోగం ఇప్పించడం.. ఇలాంటి మంచి పనులు చేస్తూ.. రియల్ హీరో అనిపించుకుంటున్నారు. సోనూసూద్‌ చూపిన మార్గంలో నడవడానికి సెలబ్రిటీలు ఒక్కొక్కరుగా ముందుకొస్తున్నారు.

హీరోయిన్ కూడా ఓ మంచి పని చేసి వార్తల్లో నిలిచారు. పీయూసీ పరీక్షల్లో 94 శాతం మార్కులు తెచ్చుకున్న ఓ స్టూడెంట్‌కు పై చదువుల కోసం స్మార్ట్ ఫోన్ అవసరమైంది. ‘నా కూతురికి 94 శాతం మార్కులొచ్చాయి.. కరోనా కారణంగా చదువుకోవాలంటే స్మార్ట్ ఫోన్ అవసరం. సాయం చేయండి ప్లీజ్’ అని అమ్మాయి తండ్రి అభ్యర్థించాడు. ఈ విషయం తెలుసుకున్న ఆమెకు ఐఫోన్ కొనిచ్చారు.

అనంతరం తాప్సీ మాట్లాడుతూ.. ‘మరింత మంది అమ్మాయిలు చదువుకోవాలి. ప్రతి చిన్నారి చదువుకోవాలి. మనకు మరింత మంది డాక్టర్లు కావాలి. రేపటి భారతాన్ని మరింత మెరుగైన దేశంగా మార్చడానికి నేను అందించే చిరు సాయం ఇది’ అని వ్యాఖ్యానించారు.

కర్ణాటకకు చెందిన ఆ అమ్మాయికి గురువారం ఫోన్ అందింది. కర్ణాటకలోని ప్రొఫెషనల్ కాలేజీల్లో ప్రవేశం కోసం ఎంట్రన్స్ ఎగ్జామ్ రాసిన ఆమె.. ఇంటికి తిరిగొచ్చే సరికి తాప్సీ కొనిచ్చిన ఫోన్ కనిపించింది. నీట్‌లో మంచి ర్యాంక్ సాధించి ఎంబీబీఎస్ చేయాలని లక్ష్యంగా పెట్టుకున్న ఆ అమ్మాయి.. తనకు ఐఫోన్ వచ్చిందనే విషయాన్ని నమ్మలేకపోయింది. తాప్సీ మేడం దగ్గర్నుంచి నాకు ఐఫోన్ వచ్చింది.. నమ్మలేకపోతున్నానంటూ ఆనందం వ్యక్తం చేసింది. నీట్‌లో మంచి ర్యాంక్ సాధించడానికి మరింత కష్టపడతాను. మీ ఆశీస్సులు నాకుండాలని కోరుకుంది.

తాప్సీ పబ్లిసిటీ కోసమే ఫోన్ కొనిచ్చిందని ఓ వ్యక్తి కామెంట్ చేయగా.. అయితే మీరు కూడా ట్రై చేయండంటూ ఆమె ఘాటైన రిప్లయ్ ఇచ్చారు.