సినిమా షూటింగ్స్‌కు తెలంగాణ ప్రభుత్వం గ్రీన్ సిగ్నల్

Share Icons:
కరోనా వైరస్ ప్రభావం సినీ రంగంపై పడింది. దీంతో లాక్‌డౌన్‌ కారణంగా సినిమా షూటింగ్స్‌, కొత్త సినిమాల విడుదలలు అన్నీ నిలిచిపోయాయి. దీంతో తాజాగా లాక్ డౌన్ సందర్భంగా ప్రభుత్వాలు మినహాయింపులు ఇస్తూ వస్తున్నాయి. తాజాగా ఇదే విషయమై పలువురు సినీ పెద్దలు తెలంగాణ సీఎం కేసీఆర్‌ను కలిశారు. దీంతో నిర్మాణానంతర కార్యక్రమాలకు తెలంగాణ ప్రభుత్వం అనుమతి ఇచ్చింది. శుక్రవారం తెలంగాణ ముఖ్యమంత్రి కేసీఆర్‌ను టాలీవుడ్‌ సినీ ప్రముఖులు కలిశారు. సినిమాటోగ్రఫీ శాఖ మంత్రి తలసాని శ్రీనివాస్‌ యాదవ్‌ ఆధర్వంలో చిరంజీవి, నాగార్జున, అల్లు అరవింద్‌, ఎస్.ఎస్‌. రాజమౌళి, దిల్‌రాజు, త్రివిక్రమ్‌, ఎన్‌. శంకర్‌, రాధాకృష్ణ, సి. కల్యాణ్‌, సురేశ్‌బాబు, కొరటాల శివ, జెమిని కిరణ్‌, మెహర్‌ రమేశ్‌, ప్రవీణ్‌బాబు తదితరులు సీఎం కేసీఆర్‌ను కలిశారు.

Also Read:

ఈ సందర్భంగా చిత్ర పరిశ్రమ ఎదుర్కొంటున్న కష్టాలను సీఎం కేసీఆర్‌ దృష్టికి తీసుకొచ్చారు. అదే విధంగా సినీ పరిశ్రమలోని కార్మికుల కోసం చేపట్టిన సహాయక చర్యలను వివరించారు. షూటింగ్స్‌కు అనుమతి ఇవ్వాల్సిందిగా కేసీఆర్‌ను కోరారు. దీంతో జూన్ మొదటివారం నుంచి చిత్రీకరణలు ప్రారంభించుకోవడానికి ప్రభుత్వం అనుమతి ఇస్తుందని కేసీఆర్‌ తెలిపారు. అయితే, ప్రభుత్వం.. కొవిడ్‌-19 మార్గదర్శకాలకు అనుగుణంగా సినిమా చిత్రీకరణలు జరపాలని సినీ పరిశ్రమ పెద్దలకు సీఎం సూచించారు. చిత్రీకరణల అనుమతి, థియేటర్ల పునఃప్రారంభంపై విధి విధానాలను ప్రభుత్వం ప్రకటిస్తుందని అందుకు అనుగుణంగా నడుచుకోవాలని కేసీఆర్‌ పేర్కొన్నారు. సీఎం ఇచ్చిన హామీతో సినీ ప్రముఖులంతా హర్షం వ్యక్తంచేశారు. కేసీఆర్‌కు కృతజ్ఙతలు తెలిపారు.

Also Read:

ఈ సందర్భంగా మెగాస్టార్ చిరంజీవి ట్వీట్ చేశారు. తెలంగాణ ముఖ్యమంత్రి శ్రీ కెసిఆర్ గారికి పరిశ్రమలోని యావన్మంది తరుపున కృతఙ్ఞతలు తెలిపారు. ఈ రోజు వారు సినిమా, టీవీ, డిజిటల్ మీడియాకి సంబంధించిన సమస్యలు సానుకూలంగా విని, వేలాదిమంది దినసరి వేతన కార్మికులకు ఊరట కలిగేలా త్వరలో నిర్ణయం తీసుకుంటామని చెప్పారన్నారు. వినోద పరిశ్రమ పునఃప్రారంభించే విధి విధానాలు త్వరలోనే ప్రభుత్వం రూపొందించి, అందరికి మేలు కలిగేలా చూస్తుందని సీఎం హామీ ఇచ్చారని ట్వీట్ చేశారు.