విరాట్ కోహ్లీ వికెట్ తీయ‌డాన్ని న‌మ్మ‌లేక‌పోతున్నా

Share Icons:
భార‌త్‌తో జ‌రుగుతున్న తొలి టెస్టులో అరంగేట్రం చేసిన న్యూజిలాండ్ పేస‌ర్ కైలీ జెమీస‌న్ అద‌ర‌గొట్టాడు. భార‌త టాప్ బ్యాట్స్‌మెన్ల‌ను ఔట్ చేసి స‌త్తాచాటాడు. ముఖ్యంగా ప్ర‌పంచ నెం.1 బ్యాట్స్‌మెన్ అయిన , న‌యా వాల్ చ‌టేశ్వ‌ర్ పుజారా, హ‌నుమ విహారిని ఔట్ చేశాడు. దీంతో తొలిటెస్టులో న్యూజిలాండ్ పైచేయి సాధించింది. వర్షం కార‌ణంగా తొలి రోజు ఆట‌ముగిసేస‌రికి 55 ఓవ‌ర్ల‌లో ఐదు వికెట్ల‌కు 122 ప‌రుగులు చేసింది. అయితే తాజాగా కోహ్లీ వికెట్ తీయ‌డంపై జెమీస‌న్ ఆనందం వ్య‌క్తం చేశాడు.

Read Also:
ప్ర‌పంచ క్రికెట్లో కోహ్లీ టాప్ బ్యాట్స్‌మ‌న్ అని, అత‌ని వికెట్ తీయడాన్ని న‌మ్మ‌లేక‌పోతున్నాన‌ని జెమీస‌న్ వ్యాఖ్యానించాడు. 6 అడుగుల 8 అంగుళాల ఎత్తున్న జెమీస‌న్‌.. ప్ర‌స్తుతం అంత‌ర్జాతీయ క్రికెట‌ర్లలోనే అత్యంత పొడ‌గ‌రి. బౌలింగ్ చేసేట‌ప్పుడు త‌న హైట్ కూడా వికెట్లు తీయ‌డంలో ఉప‌క‌రించింద‌న్నాడు.

Read Also:
భార‌త్‌తో జ‌రిగిన మ్యాచ్‌లో ప్రణాళిక‌లకు క‌ట్టుబ‌డి బౌలింగ్ చేసిన‌ట్లు జెమీస‌న్ తెలిపాడు. స‌రైన ప్ర‌దేశాల్లో బంతులు విసిరి త‌గిన ఫ‌లితాన్ని రాబాట్టాన‌ని అభిప్రాయ‌పడ్డాడు. తొలి టెస్టులో ఓవ‌ర్‌కాస్ట్ కండీష‌న్‌కు అనుకూలంగా బౌలింగ్ చేయ‌డంతో సానుకూల ఫలితాన్ని సాధించిన‌ట్లు పేర్కొన్నాడు. ఇక తొలి టెస్టులో భార‌త్ పీక‌ల్లోతు క‌ష్టాల్లో ఉంది. అజింక్య ర‌హానే (38 బ్యాటింగ్‌), మ‌యాంక్ అగ‌ర్వాల్ (34) మిన‌హా మిగ‌తా బ్యాట్స్‌మెన్ విఫ‌ల‌మ‌య్యారు. పృథ్వీ షా (16), చ‌టేశ్వ‌ర్ పుజారా (11), కోహ్లీ (2), హ‌నుమ విహారి (7) తేలిపోయారు. ప్ర‌స్తుతం ర‌హానేతో వికెట్ కీప‌ర్ రిష‌బ్ పంత్ (10 బ్యాటింగ్‌) క్రీజులో ఉన్నాడు.