విండీస్‌పై జరిమానా విధించిన ఐసీసీ

Share Icons:
శ్రీలంక‌తో శ‌నివారం జ‌రిగిన తొలివ‌న్డేలో ఒక వికెట్ తేడాతో అనూహ్య ప‌రాజ‌యం పాలైన వెస్టిండీస్‌కు షాక్ త‌గిలింది. ఈ మ్యాచ్‌లో కేటాయించిన స‌మ‌యంలోప‌ల ఓవ‌ర్ల‌ను పూర్తి లేద‌ని ఐసీసీ విండీస్‌పై కొర‌డా ఝుళిపించింది. స్లో ఓవర్ రేటుకు పాల్పడినందుకుగాను కెప్టెన్‌తోసహ జ‌ట్టు స‌భ్యుల మ్యాచ్ ఫీజులో కోత విధించింది. నిర్ణీత స‌మ‌యానికి విండీస్ రెండు ఓవ‌ర్లు త‌క్కువ‌గా వేయ‌డంతో 40 శాతం జరిమానాను మ్యాచ్ రిఫ‌రీ జ‌వ‌గ‌ళ్ శ్రీనాథ్ విధించాడు. ఈ మ్యాచ్‌లో తొలుత 289/7 చేయ‌గా.. ఛేద‌న‌ను 49.1 ఓవ‌ర్ల‌లో 290/9 తో లంక పూర్తి చేసింది. ఎనిమిదోస్థానంలో బ్యాటింగ్‌కు దిగిన టెయిలెండ‌ర్ హ‌స‌రంగా (42 నాటౌట్‌) జ‌ట్టుకు చిరస్మ‌ర‌ణీయ‌మైన విజ‌యాన్ని అందించాడు.

Read Also:

ఇక ఈ మ్యాచ్‌లో ఐసీసీ ప్ర‌వ‌ర్త‌న నియ‌మావ‌ళిలోని 2.22 నిబంధ‌న‌ను అతిక్రమించిన‌ట్లు తేల్చిన అంపైర్లు.. మ్యాచ్ రిఫ‌రీకి ఫిర్యాదు చేశారు. దీనిపై విచార‌ణ జ‌రిపిన శ్రీనాథ్‌.. విండీస్ జ‌ట్టుకు జ‌రిమానా విధించాడు. జ‌రిగిన పొర‌పాటును విండీస్ కెప్టెన్ కీర‌న్ పొలార్డ్ అంగీక‌రించ‌డంతో దీనిపై త‌దుప‌రి అప్పీల్ లేదా విచార‌ణ ఉండ‌బోద‌ని ఐసీసీ తెలిపింది.

Read Also:
ఐసీసీ నిబంధ‌న ప్ర‌కారం నిర్ణీత స‌మ‌యంలోగా ఎన్ని ఓవ‌ర్లు త‌క్కువ‌గా బౌలింగ్ చేస్తే, అంత ఎక్కువ‌గా జ‌రిమానా విధిస్తారు. ఓవ‌ర్‌కు 20 శాతం చొప్పున జ‌రిమానా ఉంటుంది. తాజా మ్యాచ్‌లో విండీస్ రెండు ఓవ‌ర్లు త‌క్కువ వేయడంతో 40 శాతం జ‌రిమానా విధించారు. ఇక తాజా విజ‌యంతో మూడు వ‌న్డేల సిరీస్‌లో 1-0లో లంక ఆధిక్యంలో ఉంది. ఇరుజ‌ట్ల మ‌ధ్య రెండో వ‌న్డే బుధ‌వారం హంబ‌న్‌టోట వేదిక‌గా జ‌రుగుతుంది.