‘వారి వల్లే ఏపీలో భారీగా కరోనా కేసులు.. విదేశాల నుంచి వచ్చినోళ్లు 31 వేల మంది’

Share Icons:
ఢిల్లీలోని నిజాముద్దీన్‌ ప్రాంతం మర్కజ్‌ మసీదుకు వెళ్లి వచ్చిన వారి వల్లే రాష్ట్రంలో ఒ‍క్కసారిగా (కోవిడ్ 19) కేసులు భారీగా పెరిగాయని రాష్ట్ర వైద్య, ఆరోగ్య శాఖ మంత్రి స్పష్టం చేశారు. కరోనా వైరస్‌ అనేది ఊహించని విపత్తని ఆయన పేర్కొన్నారు. ఈ మేరకు మంగళవారం ఆయన మీడియాతో మాట్లాడుతూ.. ఏపీలో ఈ వైరస్‌ ఎక్కువ మందికి సోకకుండా నిరోధించడానికి ముఖ్యమంత్రి వైఎస్ జగన్మోహన్‌‌రెడ్డి నేతృత్వంలో చేపట్టిన ముందస్తు చర్యలు మంచి ప్రయోజనం ఇస్తున్నాయన్నారు. అయితే రాష్ట్రంలో కరోనా పాజిటివ్‌ కేసులు ఒక్కసారిగా పెరగడం ఆందోళన రేకెత్తిస్తోందని చెప్పారు. సోమవారం వరకు రాష్ట్రంలో 23 కరోనా పాజిటివ్‌ కేసులు ఉండగా, మంగళవారం ఒక్కసారిగా ఆ సంఖ్య 40కి చేరిందన్నారు.

Also Read:
ఢిల్లీకి వెళ్లివచ్చిన వారు స్వచ్ఛందంగా ముందుకొచ్చి కరోనా పరీక్షలు నిర్వహించుకోవాలని మంత్రి ఆళ్ల నాని సూచించారు. రాష్ట్రంలో కరోనా కట్టడి కోసం అన్ని చర్యలు తీసుకుంటున్నట్లు వెల్లడించారు. విదేశాల నుంచి రాష్ట్రానికి 30,995 మంది వచ్చారని, వారిలో 30,693 మంది హోం క్వారంటైన్‌లో ఉంచి వారి ఆరోగ్య పరిస్థితిపై వైద్యులు ఎప్పటికప్పుడు పర్యవేక్షిస్తున్నారన్నారు.

Also Read: అలాగే రాష్ట్రంలో కరోనా వ్యాప్తిని అడ్డుకునేందుకు 30 మంది ఐపీఎస్‌ అధికారులను నియమించామని, పట్టణాలు, నగర పాలక సంస్థల్లో ప్రత్యేక చర్యలు తీసుకుంటున్నట్లు మంత్రి ఆళ్ల నాని చెప్పారు. కరోనా నిర్ధారణ ల్యాబ్‌ల సంఖ్య పెంచడంతో పాటు అవసరమైన వైద్య పరికరాల ఏర్పాటుకు ప్రభుత్వం చర్యలు తీసుకుంటోందన్నారు. అలాగే కరోనా నివారణలో విధులు నిర్వహిస్తున్న పోలీసులు వైద్యులు పారిశుద్ధ్య సిబ్బంది సహా అందరినీ రక్షించాల్సిన బాధ్యత ప్రభుత్వంపై ఉందన్నారు. నిత్యావసర సరుకుల ధరలపై సమీక్ష సమావేశాలు నిర్వహించాలని అధికారులను ఆదేశించినట్లు వెల్లడించారు. ఎవరైనా నిత్యావసర వస్తువులు అధిక ధరకు అమ్మితే కఠిన చర్యలు తప్పవని మంత్రి హెచ్చరించారు.

Also Read: