లాక్‌డౌన్: ఇంటికెళ్లడానికి 80 కి.మీ. నడక

Share Icons:
రోనా వైరస్‌ కట్టడికి మోదీ సర్కార్ దేశమంతా 21 రోజుల పాటు లాక్‌డౌన్‌ విధించిన విషయం తెలిసిందే. దీంతో యూపీలోని ఉన్నావ్‌లో ఓ ఫ్యాక్టరీ తన వద్ద పనిచేస్తున్న కూలీలను ఉన్నపళంగా వెళ్లిపొమ్మంది. తమ ఇంటికి వెళ్లడానికి ఎలాంటి రవాణా సదుపాయం లేక ఆ కార్మికులు చివరికి కాలినడకను ఎంచుకున్న విషాదమిది. విధిలేని పరిస్థితుల్లో రోడ్లపైకి వచ్చామని.. రోడ్లపై ఎలాంటి వాహనాలు లేకపోవడంతో తప్పనిసరి పరిస్థితుల్లో నడిచి ఇంటికి వెళ్లాలని నిర్ణయించుకున్నామని 20 ఏళ్ల అవదేశ్ కుమార్‌ తన ఆవేదన వ్యక్తం చేశాడు. ఈ ప్రయాణంలో అతడితో పాటు మరి కొంత మంది యువకులు కూడా ఉన్నారు. ఎటెళ్లాలో తెలియక ఫ్యాక్టరీ వద్ద పలువురు వయసు పైబడిన వారు దిక్కుతోచని స్థితిలో ఉన్నారని చెప్పారు.

మంగళవారం (మార్చి 24) సాయంత్రం బయలుదేరిన వీరు 36 గంటల పాటు, 80 కి.మీ. దూరం ప్రయాణిస్తే గురువారం ఉదయానికి తమ స్వస్థలం బారాబంకి చేరుకుంటామని ఆశాభావం వ్యక్తం చేశారు. మధ్యలో చిన్న విరామాలు తీసుకుంటున్నట్లు ఓ ఆంగ్ల మీడియా ప్రతినిధితో చెప్పారు. పోలీసులు అడ్డుకోకుంటే ఉదయానికి కల్లా ఇంట్లో ఉంటామని చెప్తున్నారు.

‘మేమంతా ఉన్నావ్‌లోని స్టీల్‌ ఫ్యాక్టరీలో పనిచేస్తున్నాం. అయితే.. మంగళవారం రాత్రి ప్రధాని మోదీ ప్రకటన తర్వాత యాజమాన్యం మమ్మల్ని వెంటనే ఖాళీ చేసి వెళ్లిపోవాలంది. ఫ్యాబ్రికేషన్ స్టీల్ ఫ్యాక్టరీలో పనిచేసే మాకు ఉండటానికి ఏమీ లేదు. ఎక్కడ పని ఉంటే.. అక్కడే బస. చేసేదేంలేక ఇంటికి వెళ్లాళని నిర్ణయించుకున్నాం. కానీ రవాణా సదుపాయం లేదు. మా గ్రామస్థులతో కలిసి కాలినడకన ఇంటికి చేరుకోవాలని బయలుదేరాం’ అని అవదేశ్ తెలిపాడు.

Don’t Miss:

దేశవ్యాప్తంగా లాక్‌డౌన్‌ నేపథ్యంలో ఇలాంటి ఎంతో మంది వలస కార్మికులు, కూలీలు అనేక ఇబ్బంది పడుతున్నారు. పలు రాష్ట్రాలలోని ప్రధాన నగరాల్లో బుధవారం ఇలాంటి ఘటనలు వెలుగులోకి వచ్చాయి. హైదరాబాద్‌లో ప్రైవేట్ హాస్టల్ విద్యార్థుల వ్యవహారం వివాదాస్పదంగా మారింది.

Also Read: