రోహిత్ శర్మలా ఆడాలని ఉంది: పాక్ హిట్టర్

Share Icons:
భారత స్టార్ ఓపెనర్ రోహిత్ శర్మలా తనకీ దూకుడుగా ఆడాలని ఉందని పాకిస్థాన్ యువ సంచలనం హైదర్ అలీ వెల్లడించాడు. ఇటీవల అండర్-19 వరల్డ్‌కప్‌లో తన దూకుడుతో అందర్నీ ఆకట్టుకున్న హైదర్‌ అలీ.. పాకిస్థాన్ సూపర్ లీగ్‌లో హిట్టింగ్‌తో అదరగొట్టేశాడు. పీఎస్‌ఎల్‌లో 9 మ్యాచ్‌లాడిన హైదర్ ఏకంగా 158.25 స్ట్రైక్‌రేట్‌తో 239 పరుగులు చేశాడు. దీంతో.. 19 ఏళ్ల హైదర్ అలీ పాకిస్థాన్ ఆశాకిరణమంటూ ఆ దేశ మాజీ క్రికెటర్లు కితాబిస్తున్నారు.

Read More:

యూట్యూబ్ ఛానల్‌కి హైదర్ అలీ తాజాగా ఇచ్చిన ఇంటర్వ్యూలో మీ ఆరాధ్య క్రికెటర్ ఎవరు..? అని ప్రశ్నించగా.. అతను అని సమాధానమిచ్చాడు. ‘‘నా ఆరాధ్య క్రికెటర్ రోహిత్ శర్మ. అతని ఆటలో నాకు బాగా నచ్చేది.. స్ట్రైక్‌రేట్. నేను కూడా రోహిత్‌ శర్మలా ఆడాలని ఆశిస్తున్నా’’ అని హైదర్ వెల్లడించాడు. ఇప్పటి వరకూ భారత్ తరఫున 108 టీ20 మ్యాచ్‌లాడిన రోహిత్ శర్మ 138.79 స్ట్రైక్‌రేట్‌తో 2,773 పరుగులు చేశాడు.

Read More:

వాస్తవానికి వారం క్రితం హైదర్ అలీని భారత కెప్టెన్ విరాట్ కోహ్లీతో ఆ దేశ మాజీ క్రికెటర్లు పోలిస్తే..? మండిపడిన ఈ హిట్టర్ తనని పాక్ మిడిలార్డర్ బ్యాట్స్‌మెన్ బాబర్ అజామ్‌తో పోల్చాలని సూచించాడు. కానీ.. అనూహ్యంగా రోహిత్ శర్మ తన ఆరాధ్య క్రికెటర్ అంటూ హైదర్ అలీ అందర్నీ ఆశ్చర్యపరిచాడు. బాబర్ అజామ్‌ని గత మూడేళ్లుగా పాక్ కోహ్లీ అంటూ ఆ దేశ క్రికెటర్లు పోలుస్తున్న విషయం తెలిసిందే.