రాణించిన షెఫాలీ, జెమీమా.. బంగ్లా టార్గెట్ 143

Share Icons:
ఐసీసీ టీ20 మ‌హిళ‌ల ప్ర‌పంచ‌క‌ప్‌లో భాగంగా సోమ‌వారం బంగ్లాదేశ్‌తో జ‌రిగిన మ్యాచ్‌లో భార‌త బ్యాట‌ర్లు రాణించారు. టాస్ ఓడి తొలుత బ్యాటింగ్ చేసిన భార‌త్ నిర్ణీత 20 ఓవ‌ర్ల‌లో ఆరు వికెట్ల‌కు 142 ప‌రుగులు చేసింది. ఓపెన‌ర్ షెఫాలీ వ‌ర్మ (17 బంతుల్లో 39, 2 ఫోర్లు, 4 సిక్స‌ర్లు) టాప్ స్కోర‌ర్‌గా నిలిచింది. వ‌న్‌డౌన్ బ్యాటర్ (34) ఆక‌ట్టుకుంది. వీరు మినహా మిగ‌తా వారు విఫ‌ల‌మ‌య్యారు. ఇక బంగ్లాదేశ్‌తో జ‌రిగిన చివ‌రి రెండు మ్యాచ్‌ల్లోనూ భార‌త్ ఓటమిపాల‌వ‌డం గ‌మ‌నార్హం.

Read Also:
అంత‌కుముందు తొలుత బ్యాటింగ్‌కు దిగిన భార‌త్‌కు శుభారంభం ద‌క్క‌లేదు. ఓపెన‌ర్ తానియా భాటియా (2) రెండో ఓవ‌ర్లోనే వెనుదిరిగ‌డంతో 16 ప‌రుగుల‌కే భార‌త్ తొలి వికెట్ కోల్పోయింది. ఈ ద‌శ‌లో షెఫాలీ-జెమీమా జంట ప్రత్య‌ర్థి బౌల‌ర్ల‌ను స‌మ‌ర్థంగా ఎదుర్కొన్నారు. ముఖ్యంగా వేగంగా ఆడిన షెఫాలీ.. బౌల‌ర్ల‌ను ఉతికారేసింది. వీరిద్ద‌రూ 3.4 ఓవ‌ర్ల‌లోనే 37 ప‌రుగులు జోడించారు. ఆ త‌ర్వాత షెఫాలీ ఔట‌వ‌డంతో భార‌త్ ప‌రుగుల వేగం త‌గ్గింది.

Read Also:
ఇండియా ప్లేయర్లలో కెప్టెన్ హ‌ర్మ‌న్ ప్రీత్ కౌర్ (8), దీప్తి శర్మ (11), రిచా ఘోష్ (14) విఫ‌ల‌మ‌య్యారు. చివర్లో వేద కృష్ణ‌మూర్తి (11 బంతుల్లో 20 నాటౌట్‌, 4 ఫోర్లు) బ్యాట్ ఝుళిపించ‌డంతో భార‌త్‌..140 మార్కును దాటింది. బంగ్లా బౌల‌ర్ల‌లో స‌ల్మా ఖాతూన్‌, పన్నా ఘోష్ రెండేసి వికెట్ల‌తో రాణించారు. ఈ టోర్నీ తొలి మ్యాచ్‌లో ఆస్ట్రేలియాను ఓడించి భార‌త్‌.. శుభారంభం చేసిన సంగ‌తి తెలిసిందే.