మహేష్ ఫ్యాన్స్‌కి బ్యాడ్ న్యూస్.. ఆ సినిమా రావడంలేదు

Share Icons:
సూపర్‌స్టార్ తన కెరీర్‌లో మరో ల్యాండ్ మార్క్ విజయాన్ని అందుకున్నారు. ఆయన నటించిన ‘సరిలేరు నీకెవ్వరు’ సినిమా బాక్సాఫీస్ వద్ద బ్లాక్ బస్టర్ విజయం అందుకుంది. కలెక్షన్ల పరంగా ‘భరత్ అనే నేను’, ‘మహర్షి’ సినిమాలను సైతం బీట్ చేసేసింది. అయితే, సంక్రాంతి కానుకగా రిలీజ్ అయిన ఈ సినిమాను ఎలాంటి ఓటీటీ ప్లాట్‌ఫాంలలో రిలీజ్ చేయడంలేదట. ఈ సినిమా రిలీజ్ అయిన మరుసటి రోజే స్టైలిష్ స్టార్ అల్లు అర్జున్ నటించిన ‘అల వైకుంఠపురములో’ సినిమా కూడా రిలీజ్ అయింది. ఈ సినిమా ఇండస్ట్రీ హిట్. అయితే ఈ సినిమాను 26న సన్ నెక్ట్స్ యాప్‌లో రిలీజ్ చేస్తున్నారు.

అయితే సరిలేరు సినిమాను మాత్రం అమెజాన్ ప్రైమ్‌లో రిలీజ్ చేయనున్నారని, ఈ సినిమా డిజిటల్ రైట్స్ అమెజాన్ సొంతం చేసుకుందని వార్తలు వచ్చాయి. అంతేకాదు మార్చి 2న సినిమాను అమెజాన్‌లో రిలీజ్ చేయనున్నారని అన్నారు. కానీ అమెజాన్ సంస్థ ఆ రూమర్స్‌ను ఖండించింది. మరో విషయం ఏంటంటే.. ‘అల వైకుంఠపురములో’ పోస్టర్లలో ఈ సినిమా అమెజాన్‌లో కానీ నెట్‌ఫ్లిక్స్‌లో కానీ రిలీజ్ చేయడంలేదని క్లియర్‌గా పేర్కొన్నారు. ‘సరిలేరు నీకెవ్వరు’ పోస్టర్లపై మాత్రం అమెజాన్ ప్రైం పార్ట్‌నర్‌షిప్ ఉన్నట్లు ప్రింట్ చేసారు.

READ ALSO:

విచిత్రం ఏంటంటే.. ఎలాంటి ఓటీటీలలో రిలీజ్ చేయడం లేదు అంటూనే ‘అల వైకుంఠపురములో’ సినిమాను జెమినీ టీవీ సంస్థ సన్ నెక్ట్స్ యాప్‌లో రిలీజ్ చేస్తోంది. కానీ అమెజాన్‌ ప్రైంతో పార్ట్‌నర్‌షిప్ కుదుర్చుకున్న ‘సరిలేరు నీకెవ్వరు’ సినిమా మాత్రం ఇప్పటివరకు ఏ ఓటీటీలోనూ రిలీజ్ అవుతున్నట్లు ప్రకటించలేదు. దాంతో మహేష్ ఫ్యాన్స్ ఈ విషయంపై అప్‌సెట్ అయ్యారు. ‘అల వైకుంఠపురములో’ సినిమా కంటే ముందు మహేష్ సినిమా రిలీజ్ అయినప్పటికీ ఓటీటీలకు రావడంలో ఎందుకు ఆలస్యం అవుతోందని ట్విటర్‌లో ప్రశ్నల వర్షం కురిపిస్తున్నారు.

READ ALSO: