మహేష్‌ హిట్ కొట్టినా డబ్బులు రాలేదా.. వాస్తవమెంత?

Share Icons:
టాలీవుడ్‌ సూపర్‌ స్టార్‌ మహేష్‌ బాబుపై సోషల్‌ మీడియాలో విపరీతంగా ట్రోలింగ్ జరుగుతోంది. నో బ్రేక్‌ ఈవెన్‌ స్టార్ మహేష్‌ అంటూ నేషనల్‌ లెవల్‌లో ట్రెండ్ చేస్తున్నారు యాంటీ ఫ్యాన్స్‌. సరిలేరు నీకెవ్వరు సినిమా సక్సెస్‌ ఎంజాయ్ చేస్తున్న సూపర్‌ స్టార్ అభిమానులు కొంత మంది యాంటీ ఫ్యాన్స్ కావాలనే ఇలా ట్రోల్‌ చేస్తున్నారంటూ ఫైర్‌ అవుతున్నారు.

సూపర్‌ స్టార్ మహేష్‌ బాబు హీరోగా తెరకెక్కిన తాజా చిత్రం సరిలేరు నీకెవ్వరు. భారీ బడ్జెట్‌తో తెరకెక్కిన ఈ సినిమా సంక్రాంతి కానుకగా ప్రేక్షకుల ముందుకు వచ్చింది. తొలి షో నుంచే ఈ సినిమాకు పాజిటివ్‌ టాక్‌ రావటంతో భారీ వసూళ్లు సాధిస్తోంది. మూడు రోజుల్లోనే వంద కోట్లకు పైగా వసూళ్లు సాధించి మరోసారి సత్తా చాటాడు సూపర్‌ స్టార్‌.

Also Read:

అయితే ఈ సినిమా వసూళ్ల లెక్కల విషయంలో భారీగా ట్రోల్‌ చేస్తున్నారు నెటిజెన్లు. తాజాగా నో బ్రేక్‌ఈవెన్‌ స్టార్‌ మహేష్‌ (#NoBreakEvenStarMahesh) అనే హ్యాష్ ట్యాగ్‌ను ట్విటర్‌లో నేషనల్‌ లెవల్‌లో ట్రెండ్ చేస్తున్నారు.

ముఖ్యంగా అతడు, భరత్‌ అనే నేను, మహర్షి సినిమాలకు సూపర్‌ హిట్ టాక్‌ వచ్చినా బ్రేక్‌ ఈవెన్‌ కాలేదని, చాలా ప్రాంతాల్లో డిస్ట్రిబ్యూటర్లు నష్టపోయారని మోసేస్తున్నారు. అయితే నిజానికి ఒకటి, రెండు సినిమాలు తప్ప హిట్ టాక్‌ వచ్చిన మహేష్ సినిమాలన్నీ బాగానే లాభాలు తీసుకువచ్చాయి. ముఖ్యంగా మహర్షి, శ్రీమంతుడు లాంటి సినిమా నిర్మాతలకు, డిస్ట్రిబ్యూటర్‌లకు భారీ లాభాలు మిగిల్చాయి. దీంతో ఈ ట్రోల్స్‌ కావాలనే ఎవరో దురుద్దేశంతో చేస్తున్నారన్న అభిప్రాయం వ్యక్తమవుతోంది.

Also Read:

అనిల్ రావిపూడి దర్శకత్వంలో తెరకెక్కిన సరిలేరు నీకెవ్వరు సినిమా జనవరి 11న ప్రేక్షకుల ముందుకు వచ్చింది. చాలా కాలం తరువాత మహేష్ మాస్ రోల్‌ చేయటం, ఫుల్‌ ఎనర్జీతో కామెడీ టైమింగ్‌తో అలరించటంతో అభిమానులు పండగ చేసుకుంటున్నారు. ఇప్పటికే చాలా ప్రాంతాల్లో బ్రేక్‌ ఈవెన్‌ సాధించటమే కాక నాన్‌ బాహుబలి రికార్డ్‌ సాధించినట్టుగా చిత్రయూనిట్ అధికారికంగా వెల్లడించారు.