మహిళలకు మోదీ తీపికబురు.. బ్యాంక్ ఖాతాల్లోకి డబ్బులు.. ఎంతంటే?

Share Icons:
మోదీ సర్కార్ తాజాగా మహిళలకు శుభవార్త అందించింది. కరోనా వైరస్ కారణంగా నెలకొన్ని లాక్‌డౌన్ పరిస్థితుల నుంచి ఆర్థిక వ్యవస్థను గట్టెక్కిండానికి కేంద్ర ఆర్థిక మంత్రి నిర్మలా సీతారామన్ పలు కీలక నిర్ణయాలు తీసుకున్నారు. రూ.1.7 లక్షల కోట్ల ఆర్థిక ప్యాకేజీని కూడా ప్రకటించారు. ఇందులో మహిళలకు కూడా ఊరట కలిగే అంశం ఒకటి ఉంది.

జన్ ధన అకౌంట్ కలిగి మహిళలకు నెలకు రూ.500 అందిస్తున్నట్లు కేంద్ర ప్రభుత్వం ప్రకటించింది. ఇలా మూడు నెలలపాటు డబ్బులు అందజేస్తామని పేర్కొంది. మోదీ సర్కార్ తీసుకున్న ఈ నిర్ణయంతో ఏకంగా 20 కోట్ల మంది అకౌంట్ దారులకు ప్రయోజనం కలుగనుంది. ఇకపోతే ప్రధాన మంత్రి నరేంద్ర మోదీ 2014 ఆగస్ట్ నెలలో జన్ ధన్ యోజన స్కీమ్‌ను ఆవిష్కరించిన విషయం తెలిసిందే.

మరోవైపు కేంద్రం ఈపీఎఫ్‌వో సబ్‌స్క్రైబర్లకు కూడా తీపికబురు అందించింది. పీఎఫ్ రూల్స్ సవరించింది. దీంతో పీఎఫ్ అకౌంట్ నుంచి ఇప్పుడు ఏకంగా 75 శాతం మొత్తాన్ని విత్‌డ్రా చేసుకోవచ్చు. లేదంటే మూడు మూడు నెలల వేతనానికి సమానమైన మొత్తాన్ని అయినా వెనక్కి తీసుకోవచ్చు. మీ పీఎఫ్ ఖాతాలోని అకౌంట్‌లో ఉన్న మొత్తంపై ఇది ఆధారపడి ఉంటుంది.

అంతేకాకుండా కేంద్ర ప్రభుత్వం పీఎఫ్ ఖాతాదారులకు మరో శుభవార్త కూడా అందించింది. వచ్చే మూడు నెలల కాలం పాటు పీఎఫ్ అకౌంట్ డబ్బులను కేంద్రమే భరించనుంది. అంటే ఉద్యోగి కంట్రిబ్యూషన్ మొత్తాన్ని, కంపెనీ కంట్రిబ్యూషన్ మొత్తాన్ని అంటే మొత్తంగా 24 శాతం మొత్తాన్ని కేంద్ర ప్రభుత్వమే మీ పీఎఫ్ అకౌంట్‌లో జమచేయనుంది. అయితే ఇక్కడ ఒక షరతు ఉంది. 100 మంది వరకు ఉద్యోగులు ఉన్న కంపెనీలకు ఇది వర్తిస్తుంది. అలాగే వీరిలో 90 శాతం మంది వేతనం రూ.15,000లోపు ఉండాలి.

ఇంకా నిర్మలా సీతారామన్ పీఎం కిసాన్ యోజన కింద ఇచ్చే డబ్బుల అంశం గురించి ప్రస్తావించారు. రైతులకు పీఎం కిసాన్ కింద రూ.2,000ను వచ్చే వారంలో విడుదల చేస్తామని ప్రకటించారు. దీంతో వచ్చే వారంలో అన్నదాతల అకౌంట్లకు రూ.2,000 జమ కానున్నాయి. లాక్‌డౌన్ పరిస్థితుల్లో ఈ చర్య ఎంతో ప్రయోజనకరమని భావించొచ్చు.

అంతేకాకుండా నిర్మలమ్మ గరీబ్ క్యలాణ్ యోజన స్కీమ్‌ను ఆవిష్కరించారు. దీని కోసం రూ.1.7 లక్షల కోట్లు కేటాయిస్తున్నట్లు తెలిపారు. దేశంలో ఎవ్వరూ కూడా ఆకలి బాధలు పడొద్దనే ఉద్దేశంతో ఈ నిర్ణయం తీసుకున్నట్లు ఆమె తెలిపారు. వలస కూలీలు, పేదలకు ఈ డబ్బు ద్వారా నేరుగా అకౌంట్లలోకి వెళ్లొచ్చు.