భారత యువ క్రికెటర్‌తో సారా టెండూల్కర్‌కి ముడిపెట్టిన నెటిజన్లు

Share Icons:
భారత యువ క్రికెటర్ శుభమన్ గిల్, సచిన్ టెండూల్కర్ కుమార్తె సారా టెండూల్కర్‌కి ఒక చిన్న పాయింట్‌ని పట్టుకుని నెటిజన్లు ముడిపెడుతున్నారు. మూడు రోజుల క్రితం బెంచ్‌పై తాపీగా కూర్చున్న ఫొటోని సోషల్ మీడియాలో షేర్ చేసిన ‘ఐ స్పై’ అనే క్యాప్షన్‌ని దానికి జత చేశాడు. అనూహ్యంగా అదే రోజు దీర్ఘంగా చూస్తున్న ఒక ఫొటోని షేర్ చేసిన సారా టెండూల్కర్.. ‘ఐ స్పై’ అనే క్యాప్షన్‌ని యాడ్ చేసింది. దాంతో.. ఇద్దరూ ఒకే తరహాలో క్యాప్షన్ పెట్టడంపై నెటిజన్లు సెటైరికల్‌గా స్పందిస్తున్నారు.

ఇటీవల ఢిల్లీ, పంజాబ్ మధ్య జరిగిన దేశవాళీ మ్యాచ్‌లో ఫీల్డ్ అంపైర్‌పై అసహనం వ్యక్తం చేసిన శుభమన్ గిల్.. క్రమశిక్షణ చర్యలని ఎదుర్కొన్నాడు. కానీ.. అతను ఎలాంటి తప్పు చేయలేదని రెండు రోజుల క్రితం ఓ ఇంటర్వ్యూలో వెనకేసుకొచ్చిన మాజీ ఆల్‌రౌండర్ యువరాజ్ సింగ్.. శుభమన్‌ గిల్‌కి స్పెషల్ టాలెంట్ ఉందని.. అతనికి మంచి భవిష్యత్ కూడా ఉంటుందని చెప్పుకొచ్చాడు.

ఐపీఎల్ 2020 సీజన్ సెప్టెంబరు 19 నుంచి నవంబరు 8 వరకూ యూఏఈ వేదికగా జరగనుండగా.. కోల్‌కతా నైట్‌రైడర్స్ తరఫున శుభమన్ గిల్ ఆడనున్నాడు. వాస్తవానికి ఐపీఎల్ 2020 సీజన్‌కి కోల్‌కతా నైట్‌రైడర్స్ టీమ్ కెప్టెన్సీ బాధ్యతలు శుభమన్ గిల్‌కి అప్పగించాలనే డిమాండ్స్ వినిపించాయి. కానీ.. మార్చి 29 నుంచి ప్రారంభంకావాల్సిన ఐపీఎల్ సీజన్.. కరోనా వైరస్ కారణంగా వాయిదాలపై వాయిదాలు పడటంతో ఆ డిమాండ్ కనుమరుగైంది. అయితే.. ఒకవేళ దినేశ్ కార్తీక్ నుంచి కోల్‌కతా టీమ్ పగ్గాలు తప్పిస్తే..? కచ్చితంగా గిల్‌కి ఛాన్స్ లభించే అవకాశం ఉంది.