భారత్‌పై రెండో వన్డేలో ఆస్ట్రేలియా ఫీల్డింగ్.. తుది జట్టులో మార్పులు

Share Icons:
భారత్‌తో రాజ్‌కోట్ వేదికగా శుక్రవారం జరుగుతున్న రెండో వన్డేలో టాస్ గెలిచిన ఆస్ట్రేలియా కెప్టెన్ అరోన్ ఫించ్ ఫీల్డింగ్ ఎంచుకున్నాడు. వాంఖడే వేదికగా గత మంగళవారం జరిగిన తొలి వన్డేలో 10 వికెట్ల తేడాతో గెలిచిన కంగారూలు.. మూడు వన్డేల సిరీస్‌లో ప్రస్తుతం 1-0 ఆధిక్యంలో కొనసాగుతున్నారు. దీంతో.. ఈరోజు మ్యాచ్‌లో గెలిచి సిరీస్‌ని సమం చేయాలని ఆశిస్తుండగా.. సిరీస్‌పై ఆస్ట్రేలియా కన్నేసింది. వాంఖడే వన్డేలో కమిన్స్ విసిరిన బంతి హెల్మెట్‌కి బలంగా తాకడంతో పంత్‌ తల అదిరింది. దీంతో.. ఆ మ్యాచ్‌లో కీపింగ్‌కి దూరంగా ఉన్న పంత్.. ఈ మ్యాచ్‌కి దూరమయ్యాడు. పంత్ స్థానంలో మనీశ్ పాండేని తుది జట్టులోకి తీసుకున్న కోహ్లీ.. శార్ధూల్ ఠాకూర్‌పై వేటు వేసి యువ పేసర్ నవదీప్ షైనీని తీసుకున్నాడు.

India (Playing XI): Rohit Sharma, Shikhar Dhawan, Virat Kohli(c), Lokesh Rahul(w), Shreyas Iyer, Manish Pandey, Ravindra Jadeja, Mohammed Shami, Navdeep Saini, Kuldeep Yadav, Jasprit Bumrah

Australia (Playing XI): David Warner, Aaron Finch(c), Marnus Labuschagne, Steven Smith, Ashton Turner, Alex Carey(w), Ashton Agar, Pat Cummins, Mitchell Starc, Kane Richardson, Adam Zampa
తొలి వన్డేలో టాస్ ఓడి తొలుత బ్యాటింగ్ చేసిన భారత్ జట్టు 49.1 ఓవర్లలో 255 పరుగులకే ఆలౌటవగా.. లక్ష్యాన్ని 37.4 ఓవర్లలోనే 258/0తో ఆస్ట్రేలియా అలవోకగా ఛేదించేసింది. టీమిండియాలో ఓపెనర్ శిఖర్ ధావన్ (74: 91 బంతుల్లో 9×4, 1×6) మాత్రమే హాఫ్ సెంచరీతో సత్తాచాటాడు. కెప్టెన్ విరాట్ కోహ్లీ (16), రోహిత్ శర్మ (10), శ్రేయాస్ అయ్యర్ (4) తేలిపోయారు. బౌలింగ్‌లోనూ బుమ్రా, షమీ, కుల్దీప్ యాదవ్ నిరాశపరచడంతో టీమిండియా 37.4 ఓవర్లలో కనీసం ఒక్క వికెట్ కూడా పడగొట్టలేకపోయింది.

Read More:

వాంఖడేలో ఆస్ట్రేలియా ఓపెనర్లు డేవిడ్ వార్నర్ (128 నాటౌట్), అరోన్ ఫించ్ (110 నాటౌట్) సెంచరీలతో చెలరేగిపోయారు. ఎంతలా అంటే..? ఏ దశలోనూ భారత్ బౌలర్లు ఈ జోడీని ఇబ్బందిపెట్టలేకపోయారు. దీంతో.. ఆస్ట్రేలియా తరఫున వన్డేల్లో భారత్‌పై సరికొత్త రికార్డుల్ని ఈ ఓపెనింగ్ జోడీ నెలకొల్పింది. కంగారూల చేతిలో వన్డేల్లో 10 వికెట్ల తేడాతో టీమిండియా ఓడిపోవడం కూడా ఇదే తొలిసారి.