భారత్‌కు ఎదురుదెబ్బ.. ఓపెనర్‌కి గాయం..?

Share Icons:
ఆస్ట్రేలియాతో జరుగుతున్న వన్డే సిరీస్‌లో భారత జట్టును గాయాలు వేధిస్తున్నాయి. తొలి వన్డేలో కంకషన్‌కు గురై భారత వికెట్ కీపర్ రిషబ్ పంత్ రెండో మ్యాచ్‌కు దూరమయ్యాడు. తాజాగా రాజ్‌కోట్‌లో జరుగుతున్న రెండో వన్డేలో భారత ఓపెనర్ గాయపడ్డాడు. గాయం కారణంగా తను ఫీల్డింగ్‌కు దిగలేదని బీసీసీఐ పేర్కొంది.

అయితే పంత్ గాయానికి కారణమైన ఆసీస్ పేసర్ కమిన్స్ బౌలింగ్‌లోనే తాజాగా ధావన్ గాయపడటం గమనార్హం. ఇన్నింగ్స్ మధ్యలో బంతిని ఆడే క్రమంలో బంతి ధావన్ పక్కటెముకలకు తాకింది. గాయంతో విలవిలలాడిన ధావన్.. నొప్పిని ఓర్చుకుంటూనే ఇన్నింగ్స్ కొనసాగించాడు. 96 పరుగులతో టాప్ స్కోరర్‌గా నిలిచాడు.

Read Also :
రెండో వన్డేలో ధావన్ స్థానంలో యజ్వేంద్ర చాహల్ ఫీల్డింగ్ చేశాడు. మరోవైపు గతేడాది గాయం కారణంగా చాలాకాలంపాటు క్రికెట్‌కు దూరమైన ధావన్.. తాజాగా మళ్లీ గాయపడడం భారత అభిమానుల్లో ఆందోళన కలిగిస్తోంది. ఇటీవల శ్రీలంకతో జరిగిన మూడో టీ20లో ఫామ్‌లోకి వచ్చిన గబ్బర్.. ఆసీస్‌పై తొలి వన్డేలో 74 పరుగులు చేసి టాప్ స్కోరర్‌గా నిలిచిన సంగతి తెలిసిందే.

Read Also :