భారత్‌కు ఎదురుదెబ్బ‌.. గాయంతో ఓపెన‌ర్ ఔట్‌!

Share Icons:
న్యూజిలాండ్‌తో జ‌రిగిన తొలి టెస్టులో ప‌ది వికెట్ల‌తో ఓడిపోయి, డీలాప‌డిన భార‌త్‌కు ఎదురుదెబ్బ త‌గిలింది. గాయంతో రెండో టెస్టుకు ఓపెన‌ర్ అందుబాటులో ఉండే అవ‌కాశం లేద‌ని తెలుస్తోంది. పాదం ఉబ్బ‌డంతో టీమిండియా తాజా ట్రైనింగ్ సెష‌న్‌కు షా హాజ‌రు కాలేదు. అత‌నికి ప్ర‌స్తుతం వైద్య ప‌రీక్ష‌లు నిర్వ‌హిస్తున్న‌ట్లు తెలుస్తోంది. ఫ‌లితాల వెల్ల‌డి అనంత‌రం పృథ్వీ అందుబాటుపై టీమిండియా మేనేజ్మెంట్ నిర్ణ‌యం తీసుకోనుంది. శుక్ర‌వారంలోగా దీనిపై స్ప‌ష్ట‌త రానుంద‌ని స‌మాచారం.

Read Also:

మ‌రోవైపు న్యూజిలాండ్ టూర్‌లో ఓపెన‌ర్ రోహిత్ శ‌ర్మ గాయ‌ప‌డ‌గా అతని స్థానంలో షాను ఎంపిక చేశారు. మూడు వ‌న్డేలు, ఒక ప్రాక్టీస్ మ్యాచ్‌, తొలి టెస్టు ఆడిన షా తీవ్రంగా నిరాశ‌ప‌ర్చాడు. ముఖ్యంగా మొదటి టెస్టులో కేవ‌లం 16, 14 ప‌రుగుల‌తో షా ఘోరంగా విఫ‌ల‌మ‌య్యాడు. తాజా ప‌రిణామంతో మ‌రో ఓపెన‌ర్ శుబ్‌మాన్ గిల్ టెస్టు అరంగేట్రం చేసే అవకాశముంది. రెండో టెస్టులో తనకు చాన్స్ దక్కుతుందని సమాచారం.

Read Also:

మ‌రోవైపు గిల్ సూప‌ర్ ఫామ్‌లో ఉన్నాడు. ఇటీవ‌లే కివీస్ గ‌డ్డ‌పై న్యూజిలాండ్‌-ఎతో జ‌రిగిన రెండు అన‌ధికార టెస్టుల్లో భార‌త్‌-ఎ త‌ర‌పున గిల్ బ‌రిలోకి దిగాడు. రెండు అన‌ధికార టెస్టుల్లో రెండు సెంచ‌రీలో స‌త్తా చాటాడు. ఈనెల 29 నుంచి క్రైస్ట్ చ‌ర్చ్ వేదిక‌గా రెండో టెస్టు ప్రారంభ‌మ‌వుతోంది. రెండు టెస్టుల సిరీస్‌లో తొలి మ్యాచ్‌ను నెగ్గిన కివీస్ 1-0తో ఆధిక్యంలో ఉంది.