బెంగళూరులో ఐపీఎల్ మ్యాచ్‌లు రద్దు..?

Share Icons:
కరోనా వైరస్ సెగ ఐపీఎల్ మ్యాచ్‌ల్ని తాకేలా కనిపిస్తోంది. మార్చి 29 నుంచి ఐపీఎల్ 2020 సీజన్ ప్రారంభంకానుండగా.. బెంగళూరులో మ్యాచ్‌లు నిర్వహించొద్దంటూ కేంద్ర ప్రభుత్వానికి కర్ణాటక గవర్నమెంట్ లేఖ రాసినట్లు వార్తలు వస్తున్నాయి. ఇప్పటికే బెంగళూరులో 12 కరోనా వైరస్ పాజిటివ్ కేసులు నమోదైన విషయం తెలిసిందే.

ఐపీఎల్ 2020 సీజన్‌లో రాయల్ ఛాలెంజర్స్ (ఆర్సీబీ) టీమ్ బెంగళూరులోని చిన్నస్వామి స్టేడియం వేదికగా ఏడు మ్యాచ్‌ల్ని ఆడనుంది. ఈ మేరకు బీసీసీఐ ఇప్పటికే షెడ్యూల్‌ని కూడా ప్రకటించింది. అయితే.. మ్యాచ్‌ల సమయంలో వేలాది మంది ఒకేచోట స్టేడియంలో ఉండనుండటంతో.. పెద్ద ఎత్తున కరోనా వైరస్ వ్యాప్తి చెందే ప్రమాదం ఉందని కేంద్ర ప్రభుత్వానికి ఆ లేఖలో కర్ణాటక గవర్నమెంట్ గుర్తు చేసినట్లు తెలుస్తోంది. దీంతో.. బెంగళూరులో ఆర్సీబీ మ్యాచ్‌లు జరగడంపై అనుమానాలు నెలకొన్నాయి.

బెంగళూరులో కరోనా వైరస్ లక్షణాలతో ఉన్న ఓ వ్యక్తి నుంచి తాజాగా శాంపిల్స్ సేకరించి పరీక్షలకి పంపగా.. అది పాజిటివ్‌గా తేలింది. దీంతో.. ఇటీవల అతని ప్రయాణాలు, కాంటాక్స్‌ని అధికారులు పరిశీలించగా.. అమెరికా వెళ్చొచ్చిన తర్వాత అతను దాదాపు 2,666 మందిని కలిసినట్లు తేలింది. దీంతో.. కర్ణాటక ప్రభుత్వం అప్రమత్తమైంది. అయితే.. ఇటీవల షెడ్యూల్ ప్రకారమే ఐపీఎల్ 2020 సీజన్ మ్యాచ్‌లు జరుగుతాయని బీసీసీఐ అధ్యక్షుడు సౌరవ్ గంగూలీ స్పష్టం చేసిన విషయం తెలిసిందే.