బుకీతో బేరసారాలకు దిగిన పాక్ క్రికెటర్!

Share Icons:
పాకిస్థాన్‌లో క్రికెట్‌, ఫిక్సింగ్ ఎల్ల‌ప్పుడూ క‌ల‌బోత‌గా ఉంటాయి. ఎంతోమంది క్రికెట‌ర్లు ఫిక్సింగ్‌కు పాల్ప‌డి తమ జీవితాల‌ను నాశ‌నం చేసుకున్నారు. తాజాగా బుకీని క‌లిసిన ఆరోప‌ణ‌ల‌తోనే ఉమ‌ర్ అక్మ‌ల్‌ను స‌స్పెండ్ చేసినట్లు తెలిసింది. నిజానికి తాజాగా ప్రారంభ‌మైన పాకిస్థాన్ సూప‌ర్ లీగ్ (పీఎస్ఎల్‌)లో ఆడేందుకు ఉమ‌ర్ సిద్ధం కాగా.. బుకీని క‌లిశాడ‌ని తేల‌డంతో తన‌ను స‌స్పెండ్ చేసిన‌ట్లు వార్త‌లు వ‌చ్చాయి.తొలుత ఈ నిజాన్ని అంగీక‌రించేందుకు ఉమ‌ర్ స‌సేమిరా అన్నాడు. అయితే అతనిముందు పాకిస్థాన్ క్రికెట్ బోర్డు () అవినీతి నిరోధ‌క విభాగం ప‌క్కా ఆధారాలు ఉంచ‌డంతో, త‌ను చేసిన‌ త‌ప్పు ఒప్పుకోక త‌ప్ప‌లేదు.

Read Also:
వివాద‌స్ప‌ద క్రికెట‌ర్ల‌పై పీసీబీ అవినీతి నిరోధ‌క విభాగం ఎప్ప‌టి నుంచో నిఘా ఉంచుతోంది. పలువురు క్రికెట‌ర్ల ఫోన్ల‌ను కూడా ట్యాప్ చేస్తోందని స‌మాచారం. తాజాగా ఉమ‌ర్‌ను మూడు, నాలుగు రోజులపాటు ప‌రీక్షించిన త‌ర్వాతే అత‌నిపై వేటు వేసేందుకు సిద్ధ‌మైన‌ట్లు తెలుస్తోంది. బుకీని క‌లిసిన విష‌యాన్ని దాచి పెట్ట‌డంతో ఉమర్‌ను ఇక ఉపేక్షించకుండా, అత‌నిపై సస్పెన్ష‌న్ వేటు వేశార‌ని వార్త‌లు గుప్పుమ‌న్నాయి.

Read Also:
తాజా ఘ‌ట‌న అనంత‌రం మ‌రిన్ని ఆధారాల‌ను సేక‌రించేందుకు అక్మ‌ల్ ఫోన్‌ను కూడా సీజ్ చేశార‌ని స‌మాచారం. నిజానికి గ‌తేడాది లంక‌తో చివ‌రిసారిగా అంత‌ర్జాతీయ మ్యాచ్ ఆడిన ఉమ‌ర్‌.. తాజా పీఎస్ఎల్ ఎడిష‌న్‌లో స‌త్తాచాటి జాతీయ‌జ‌ట్టులోకి రావాల‌ని ఆశించాడు. అయితే బుకీని క‌లిసి చెడు దారులు తొక్క‌డంతో అత‌నిపై వేటు ప‌డినట్లు తెలుస్తోంది.