బీసీసీఐకి డబ్బు కావాలి.. ఐపీఎల్‌ 2020కి పాక్ క్రికెటర్ సపోర్ట్

Share Icons:
సీజన్‌కి పాకిస్థాన్ నుంచి ఊహించనిరీతిలో మద్దతు లభించింది. ఆస్ట్రేలియా వేదికగా అక్టోబరు 18 నుంచి నవంబరు 15 వరకూ జరగాల్సిన టీ20 వరల్డ్‌కప్ కరోనా వైరస్ కారణంగా వాయిదాపడటంతో.. ఐపీఎల్ 2020 సీజన్‌కి మార్గం సుగుమమైంది. అయితే.. భారత క్రికెట్ నియంత్రణ మండలి (బీసీసీఐ) ఒత్తిడి కారణంగానే అంతర్జాతీయ క్రికెట్ కౌన్సిల్ (ఐసీసీ) ఆ టీ20 వరల్డ్‌కప్‌ని వాయిదా వేసిందనే ఆరోపణలు వినిపించాయి.

టీ20 వరల్డ్‌కప్ వాయిదాపడిన రోజుల వ్యవధిలోనే యూఏఈ వేదికగా సెప్టెంబరు 19 నుంచి నవంబరు 8 వరకూ ఐపీఎల్ 2020 సీజన్‌ని నిర్వహించబోతున్నట్లు బీసీసీఐ ప్రకటించింది. అయితే.. కరోనా వైరస్ కారణంగా టీ20 వరల్డ్‌కప్‌ని క్రికెట్‌ ఆస్ట్రేలియా (సీఏ) నిర్వహించలేనప్పుడు.. ఐపీఎల్‌‌ని బీసీసీఐ ఎలా నిర్వహిస్తుంది..? అని పాక్ మాజీ క్రికెటర్లు ప్రశ్నల వర్షం కురిపించారు. బీసీసీఐ తన అంగ, అర్థ బలాన్ని వినియోగించి ఐపీఎల్ కోసం టీ20 వరల్డ్‌కప్‌ని వాయిదాపడేలా చేసిందని షోయబ్ అక్తర్ సైతం విమర్శించాడు.

ఐపీఎల్ కోసం టీ20 వరల్డ్‌కప్ వాయిదా పడిందనే ఆరోపణలపై తాజాగా పాకిస్థాన్ మాజీ క్రికెటర్ జహీర్ అబ్బాస్ మాట్లాడుతూ ‘‘ప్రతి క్రికెట్ దేశం ఇప్పుడు డబ్బు కోసం టీ20 మ్యాచ్‌లను ఆడుతోంది. బీసీసీఐ అందుకు మినహాయింపు ఏమీ కాదు. ముఖ్యంగా.. ఐపీఎల్ లాంటి టోర్నమెంట్‌లు పెద్ద ఎత్తున డబ్బులతో ముడిపడి ఉంటాయి. ప్రస్తుత (కరోనా) పరిస్థితుల్లో క్రికెట్ దేశాలు ఒకరికొకరు సహకరించుకోవాలి’’ అని సూచించాడు. ఒకవేళ ఐపీఎల్ 2020 సీజన్ రద్దయితే..? బీసీసీఐ సుమారు రూ.4000 కోట్లు నష్టపోనుందని అంచనా.