ప్లీజ్ వాళ్లని కాపాడండి.. కేసీఆర్, జగన్‌లకు నాగబాబు రిక్వెస్ట్

Share Icons:
ప్రపంచాన్ని కరోనా వణికిస్తోంది. స్పెయిన్, అమెరికా, వంటి దేశాల్లో మరణాల సంఖ్య పెరుగుతోంది. దీంతో ఈ దేశాల్లో ఉన్న భారతీయులు భయంతో వణికిపోతున్నారు. ఇప్పటికే కొందరు తిరిగి స్వదేశానికి చేరుకోగా.. కొందరు మాత్రం అక్కడే చిక్కుకుపోయారు. ఇలా విదేశాల్లో బిక్కు, బిక్కుమంటూ గడిపేస్తున్నారు. ఇటు కొంతమంది తెలుగువారు కూడా ఫారెన్‌లో ఇరుక్కుపోయారు. తమను తిరిగి సొంత ఊర్లకు తీసుకొచ్చేలా చర్యలు తీసుకోవాలని కోరుతున్నారు. సెల్ఫీ వీడియాల ద్వారా తమ కష్టాలను వివరిస్తున్నారు.

తాజాగా ఇటలీలో చిక్కుకుపోయిన తెలుగు విద్యార్థులు తమ కష్టాలను చెప్పుకొన్నారు. విమాన సర్వీసులు రద్దు కావడంతో అక్కడే చిక్కుకుపోయామని.. సరైన తిండలేక ఇబ్బందులు పడుతున్నామని ఆవేదన వ్యక్తం చేశారు. తమను కాపాడాలంటూ కేంద్ర, రాష్ట్ర ప్రభుత్వాలను వేడుకుంటున్నారు. ఇటలీలో ఇరుక్కుపోయిన విద్యార్థుల్ని కాపాడాలని జనసేన పార్టీ నేత, నటుడు నాగబాబు ప్రభుత్వాలను కోరారు.

‘మన తెలుగు పిల్లలు 130మంది’ ఇటలీలో ఇరుక్కుపోయారని తెలుగు రాష్ట్రాల ప్రభుత్వాలు సాయం చేయాలని కోరారు. తెలుగు రాష్ట్రాల ముఖ్యమంత్రులు కేసీఆర్, జగన్‌, ప్రధాని మోదీ విద్యార్థుల్ని కాపాడాలని విజ్ఞ‌ప్తి చేశారు. ఒకవేళ ఏర్పాట్లు చేసి ఉంటే మంచిది అన్నారు. లేని పక్షంలో వాళ్లను కాపాడటానికి తగిన ఏర్పాట్లు చేయాలని కోరారు.. ప్రభుత్వాలు ఈ సాయం చేయాలని కోరుతున్నాను అన్నారు.